Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> جلسہ فلاپ:بڑکاں وادھو۔ہن امیداں سیالوی تے؟ اگے کیہہ ہو سی؟

جلسہ فلاپ:بڑکاں وادھو۔ہن امیداں سیالوی تے؟ اگے کیہہ ہو سی؟

January 18th, 2018

جلسہ فلاپ ہوندے ہی اپوزیشن وچ پاڑ پئے گئی کہ کسے آکھیا ہے پئی ناکامی دا کوئی پیو نہیں بننا چاہندا۔کیہ پی پی پی تے پی ٹی آئی دے ورکراں عمران زرداری اتحاد نوں منن توں انکار کردے ہوئے جلسے دا بائیکاٹ کیتا ہے؟ یا 28جولائی بعدوں جو کجھ نواز شریف آکھ رہے نیں اوس بعدوں دونوں پارٹیاں دا کم ہور خراب ہو رہیا ہے؟ پی پی پی دی شہلا رضا تے جلسے دی ناکامیاں دا ذمہ واریاں قادری ہوراں تے پادتیاں اتے آکھیا پئی کرسیاں بھرنیاں تے طاہر القادری دی ذمہ واری سی۔ اینج شہلا ہوراں اپنی ہی پارٹی دی نفیسہ شاہ دی بڑکاں نوں بے نقاب کر دتا جو فلاپ شو تے سارا غصہ جیو تے لا رہیاں سن۔جداں کہ باقی چینلاں وی جلسے دے فلاپ ہون دی خبراں دتیاں۔ ایہو نہیں سگوں جلسے توں بعدوں اپوزیشن لیڈر سید خورشید شاہ ہوراں عمران خان تے شیخ رشید ولوں پارلیمنٹ نوں لعنتی آکھن دی مخالفتاں کیتیاں۔پی پی پی دے چیرمین بلاول بھٹو نے وی عمران دے بیان نوں رگیدیا۔ کیہہ ایہہ اوہ غصہ سی جیہڑا سٹیج تے زرداری ہوراں دے نال نہ بیٹھن دے عمرانی فیصلے پاروں ودھ گیا؟ شیخ رشید نوں اکلا ہی اسمبلی توں استعفی دینا پیا کہ ایہہ ایس دا ثبوت پئی استعفیاں تے کوئی سانجھا فیصلہ نہیں ہویا۔ پر شام توں ہی استعفیاں دی خبراں گردش کر رہیاں سن۔عمران گل آپ کھول دتی اتے دسیا پئی میں اپنی پارٹی نال مشورہ کراں گا۔ جے کوئی سانجھا فیصلہ ہوندا تاں فیر ایہہ نہ آکھنا پیندا۔شیخ ہوراں دے استعفے توں پتہ چلدا ہے پئی کوئی لابی تے ہے جیہڑی استعفیاں دے آبشن نوں ورتنا چاہندی ہے۔اک ٹی وی شو وچ فلاپ جلسہ توں مایوس دفاعی تجزیہ کار جنرل(ر) امجد شعیب توں تبصرے لئی آکھیا گیا تے انہاں ناکامی نوں منیندے ہوئے سارا بھار سیالوی ہوراں دے جلسے تے پا دتا جیہڑا اک یا دو دناں وچ ہونا ہے۔ایہہ خاہش سی یا تجزیہ، ایس بارے ہشیار اینکر پچھنا مناسب نہ سمجھیا۔اج تے قادری ہوراں اگے دے پروگرام دا ایجنڈا دینا سی پر ایس نوں ہک وار فیر اگے پا دتا گیا۔عمران ہوراں آکھیا پئی ایس جلسے بعدوں میں قادری ہوراں نوں اپنے خیال دساں گا۔ مطلب ایہہ پئی اگے بارے کسے نوں کجھ پک نہیں۔ ایس فلاپ شو تے کچ پک پاروں سیالو ی ہوراں دی پوزیشن پہلاں ہی خراب ہو چکی ہے۔ جلسے دی وڈی خبر سابقہ صدر دا بلوچستان دے نویں وزیر اعلی دا دفاع سی کہ ہورے، انہاں ایس چھانگا مانگا وچ اپنی موجودگی ول آپ اشارے کر دتے۔سوال تے ایہہ ہے پئی جے کجھ مہینے پہلاں اسمبلیاں توں استعفے دے دتے وی گئے تے نویں چوناں وچ جتن دی کیہہ ضمانتاں نیں؟ ایس دا ایہو مطلب لتا جائے گا پئی جداں سب سازشاں ناکام ہو گیاں تے استعفے کجھ مہینے پہلاں آ گئے۔ چیتے رہے پئی 2012وچ سینیٹ دی چوناں توں پہلاں اینج ہی طوفان اٹھے سن۔ ہن ساریاں امیداں سیالوی ہوراں نال جوڑیاں گیاں نیں کہ جس دا فیصلہ دو دناں وچ ہو جا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels