Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> قصور: اصل مجرم نوں کون بچا رہیا ہے؟ انکاری تے انتشاری مہماں

قصور: اصل مجرم نوں کون بچا رہیا ہے؟ انکاری تے انتشاری مہماں

وچار ڈیسک
January 17th, 2018

وی آئی پی موومنٹاں نوں نرے دو منٹاں لئی بند رکھن والی عدالتاں توں فیض آباد وانگ لہور دے مال روڈ دھرنے نوں ڈکن بارے فیصلہ جاری نہ ہویا اتے فیصلہ محفوظ۔۔ زینب کیس نوں سپریم کورٹ آپ سنے گی کہ مشال کیس وچ وی سپریم کورٹ کدوں دا سوموٹو لتا سی کہ ہن مشال کیس نوں سال ہون والا ہے۔قصور کیس وچ کیہہ ہو رہیا ہے کہ ایس دا کھرا ساڈے کریمنل جسٹس سسٹم ول جاندا ہے۔
اک وار فیر ایہہ پک ہویا پئی ساڈا کریمنل جسٹس سسٹم نکارا، کوڑ تے گل سڑ چکیا ہے پر اوس توں توجہ ہٹاون لئی ہور دی ہور بحثاں چھیڑ دتیاں گیاں۔تفتیشاں تے عدالتی بندوبست دے نکمے ہون ول گل ٹورن پاروں اجوکے ایجنڈے کنج چلنے سن؟ ہر کم وچ کجھ فوری کرن دے کمہوندے نیں تے کجھ لانگ ٹرم پلان کہ نصاباں نوں بدلن دا کم تے سالاں تے پھیلیا ایجنڈا ہے اتے ایس وچ پہلا کم نصاب بناون دے کوڑ بندوبست نوں بدلن توں چھونا لوڑی دا ہے۔ وڈا کم تے دو سال پہلاں پھڑیچیاں چار سو توں وادھو ویڈیوز والے نیٹ ورک نوں لبھنا سی؟ اوس دی جے کوئی جے آئی ٹی رپورٹ آئی سی اوس نوں میڈیا تے اوپن کرنا سی؟ عدالت نرے اک بندے نوں سزا دے کے ایس کیس نوں کیوں لانبے کیتا ، ایس دا کھوج لانا سی۔پر میڈیا بڑی ہشیاریاں نال گل لانگ ٹرم کماں ول موڑ دتی۔ نہ نیٹ ورک دی گل ہوئی اتے نہ کریمنل جسٹس سسٹم دی گل ہوئی۔ہن مشال کیس، بلدیہ کرچی فیکٹری کیس، ڈی آئی خان کیس وغیرہ دے وی ایہو مسلے نیں۔پر جے گل اینج چکی جاندی تے شہبازی ایجنڈے دا کیہہ بن دا؟ زینب یا ماڈل ٹاؤن مگر لک کے اپنے ایجنڈے چلائے تے جا سکدے نیں، ہورے کجھ لبھ وی جائے پر اصل گل کراہے پئے جاندی ہے کہ اساں اوس توں انکاری ہاں۔جیہڑے اپنے صوبیاں وچ کریمنل جسٹس سسٹم دا کجھ وگاڑ نہیں سکے اوہ لہور اپڑ چکے نیں۔ لوک ایہہ سب ویکھ رہے نیں اتے فیض آباد وی سب ویکھیا سی۔ جے ایجنڈا حکومتاں تے سیاسی جماعتاں نوں کمزور کرن دا ہے پر ایس پاروں ریاست اندروں ٹٹ رہی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels