Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> ایران : پرائمری سکولاں وچ انگریزی پڑھان تے پابندیاں۔بی بی سی دی ہشیار خبر

ایران : پرائمری سکولاں وچ انگریزی پڑھان تے پابندیاں۔بی بی سی دی ہشیار خبر

وچار ڈیسک
January 9th, 2018

ایران دی مادری زباناں وچ فارسی سب توں وڈی زبان ہے جنج پاکستان وچ پنجابی سب توں وڈی مادری زبان ہے۔فارسی توں اڈ آذری ترکی دوجی وڈی زبان جس دے بولن والے16فیصدی اتے نال نال کرداں دی زبان والے دس فیصدی اتے نکی موٹیاں ہور درجن زباناں پر انگریزی مڈل توں بعدوں پڑھائی جاندی ہے۔2007وچ ایرانی سرکار نے کرداں دی تھاواں تے کردزبان پڑھان تے پابندیاں لائیاں سن۔پر بی بی سی نوں ایران دی مادری زباناں دی پیڑ نہیں سگوں انگریزی نہ پڑھان دی فکراں وادھو۔پرائمری سکولاں وچ مادری زباناں پڑھاناں وڈا مسئلہ ہے نہ کہ انگریزی۔پر بی بی سی دی ہشار خبر وچ ایہو تاثر دتا گیا ہے کہ جے ایران دے پرائمری سکولاں وچ انگریزی نہیں پڑھائی جائے گی تے ایرانی بچے بنیاد پرستیاں ول ودھن گے۔ کسے اک زبان نوں ترقی، جدت، لبرل ازم دا بوتھا آکھنا اوہ کوڑ کم ہے جس نوں اساں جاندے ہاں۔جس بیانیے پاروں ایہہ روک لائی گئی ہے اوس بارے تے گل ہو سکدی ہے پر انگریزی نوں جدت دا لشکارا آکھنا وی کوڑ کم جے۔
ایرانی سرکار نے ایس گل دی تصدیقاں کیتیاں کہ ملک دے پرائمری سکولاں وچ انگریزی زبان پڑھان تے پابندیاں لا د تیاں گیاں نیں۔ ایس بیان نوں ایران دے سپریم لیڈر آیت اللہ علی خامنائی دی انگریزی زبان تے تنقید دے حوالے نال ویکھیا جارہیا ہے۔ انہاں نے اک بیان وچ آکھیا سی کہ تعلیمی دور دے شروع وچ ہی انگریزی پڑھان نال مغربی رہتل دے غلبیاں دے دروازے کھل جاندے نیں۔ ایران دے قومی ادارے ایجوکیشن کونسل دے سربراہ مہدی نوید ادھام نے سنیچر نوں ریاستی ٹی وی تے دسیا سی کہ سرکاری تے غیر سرکاری سکولاں دے نصاباں وچ انگریزی پڑھان دے حوالے نال قنون دی خلاف ورزیاں نہیں کرن دیاں گے۔ خبر رساں ادارے روئٹرز دے مطابق مہدی نوید ادھام دا کہنا ہے کہ ایہہ ایس لئی کیتا گیا ہے کیونکہ منیا جاندا ہے کہ پرائمری سکولاں دے طالب علماں وچ ایرانی رہتل دی بنیاد نہیں پیندی۔ انہاں دا مزید کہنا سی کہ غیر نصابی انگریزی دی کلاساں تے وی پابندیاں لائی جاسکدیاں نیں۔ ایران وچ انگریزی پڑھائی دا سلسلہ عام طور تے 12 توں 14 سال دی عمر وچ مڈل سکول وچ شروع ہوندا ہے پر بعض پرائمری سکولاں وچ ایس عمر توں گھٹ بچیاں لئی وی انگریزی دی کلاساں ہوندیاں نیں۔ اسی طراں بعض بچے سکول دے بعد نجی اداریاں وچ انگریزی دی تعلیم حاصل کردے نیں تے بہوں سارے امیر گھرانیاں دے بچے پرائیوٹ سکولاں توں انگریزی دی ٹیوشن لیندے نیں۔ آیت اللہ علی خامنائی استاداں نال گل بات کردے آکھیا سی پئی ایس دا مطلب غیر ملکی زباناں نوں سکھن دی مخالفتاں نہیں سگوں غیرملکی رہتل نوں ملک دے بچیاں، نوجواناں تے نوجوان نسل وچ ودھن توں ڈکنا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels