Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> کھسریاں دی راکھی لئی موبائل فون ایپ ۔سوال وادھو، جواب گھٹ

کھسریاں دی راکھی لئی موبائل فون ایپ ۔سوال وادھو، جواب گھٹ

وچار ڈیسک
January 8th, 2018

کسے وی سوسائٹی وچ سب توں تھلڑی پدر تے وسن والیاں دے حقاں دی گل کرنی ہی وڈا قومی مفاد ہوندا ہے پر اکثر ملکاں وچ ایس نوں قومی ایجنڈے وچ تھاں نہیں ملدی۔وائس آف امریکہ ایس بارے ہک ہشیار خبر چھاپی ہے پر پاکستان اندر لمیرے چر بعدوں پچھلے پنج سالاں وچ کھسریاں وغیرہ لئی جیہڑے چنگے کم ہوئے نیں انہاں بارے وی گل کرنی لوڑی دی ہے۔سڑکاں تے تھاں تھاں کھسرے منگدے پھردے نیں کہ انہاں نوں کم تے لانا ہی اک وڈی پالیسی ہے۔ہن تساں خبر پڑھو۔
پاکستان وچ خواجہ سرا برادری دے حقاں لئی کم کردی اک جتھے بندی نے موبائل فون ایپ متعارف کروائی ہے تانجے ایہہ برادری تشدد تے ہراساں ہون والی حرکتاں بارے فوری رپورٹ کرواسکے۔ بلیو وینز نامی اک غیر سرکاری تنظیم نے ایہہ ایپ کینڈین فنڈ فارلوکل انیشییٹو دی ٹیک نال تیار کیتی ہے۔ بلیو وینز دے بلارے قمر نسیم نے اتوار نوں وائس آف امریکہ نال گل کردے ہوئے آکھیا کہ ایہہ ایپ سمارٹ فون تے گوگل پلے اسٹور توں مفت ڈاؤن لوڈ کیتی جاسکدی ہے۔ ایس ایپ دا ناں ٹرانس محافظ ہے ۔ اک تے کسی وی ہنگامی صورت حال وچ خواجہ سرا انہاں لوکاں دے نال رابطہ کرن تے ایس لسٹ وچ انہاں دے قریبی دوست، پلس تے میڈیا دے لوک ہوسکدے نیں۔ ایس دے اندر آن لائن رپورٹنگ دی سہولت وی ہے۔ ایس وچ اوہ آواز، وڈیو تے ٹیکسٹ میسج راہیں رپورٹ کرسکدے نیں تانجے کھسریاں وگیرہ خلاف رپورٹنگ وی ٹھیک ہو سکے۔ایس نالایہہ وی لگ پتہ جا سی پئی کیہڑے ضلعیاں وچ ایہہ مسلہ زیادہ ہے۔ قمر نسیم ہوراں آکھیا کہ انہاں لوکاں خلاف ہون والے ظلم دا پکا ڈیٹا نہیں ہے۔وائس آف امریکہ دا لکھنا ہے پئی اک اندازے پاروں پنج سالاں وچ ملک دے مختلف حصیاں وچ ہورے اک سو خواجہ سرا مرے جے اتے انہاں وچ وڈی گنتری دا تعلق صوبہ خیبر پختون خوا توں ہے۔ پاکستان وچ کھسریاں وغیرہ دا شمار اجہے دھڑیاں وچ ہوندا ہے جیہڑے سب توں ماڑے نیں۔ہن تے وفاقی پدر تے اک قومی کمشنر وی لایا ہے ۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels