Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> اسرائیل:فلسطین حمائیتاں پاروں20بی ڈی ایس این جی اوز بلیک لسٹ

اسرائیل:فلسطین حمائیتاں پاروں20بی ڈی ایس این جی اوز بلیک لسٹ

وچار ڈیسک
January 8th, 2018

اسرائیل تے امریکہ اقوام متحدہ وچ شکستاں بعدوں باولے ہو کے اٹھ و اٹھ مار رہے نیں۔ہن تازی خبر پاروں اسرائیلی سرکار نے بی ڈی ایس تنظیماں نوں بلیک لسٹ کردتا ہے اتے ایہہ اسرائیل نہیں آسکدیاں۔ بی ڈی ایس لہر 170این جی اوز دا اکٹھ ہے جس نوں2005وچ اساریا گیا سی۔ایہہ اسرائیلی قبضیاں خلاف وی نیں تے اسرائیل نوں عالمی قنوناں تے اقوام متحدہ دی قرارداداں نوں منن دا آکھدے نیں۔ پر ساڈے ہشیار میڈیا تے انہاں بارے خبراں نہیں چلائی جاندیاں۔کیونجے اساں کشمیر یا فلسطین دے مسلیاں نوں نرا سلامی مسلہ ہی دسنا چاہندے ہاں تاں مارے ساڈے بیانیے وی اینج دے نیں اتے خبراں وی۔بی ڈی ایس والے اسرائیل دے بائیکاٹ، اسرائیل وچ سرمایہ کاریاں نہ کرن اتے اسرائیل تے پابندیاں لاون دی گل کردے نیں اتے ایس وچ یہودی وی رلتی نیں۔اوہ اسرائیل تے یہودیاں نوں وکھ وکھ کریندے نیں تے فلسطینیاں نوں انہاں دا حق دوانا چاہندے نیں۔اوہ جنوبی افریقہ وانگ اسرائیل نوں وی اک نسل پرست سرکار آکھدے نیں۔ایتوار نوں داخلہ وزارت والیاں آکھیا ہے پئی اساں اجہے قنون چلاواں گے جس نال اسرائیل خلاف گل کرن والے تھاں مر جان۔جنہاں این جی اوز دے ناں میڈیا تے دتے گئے نیں انہاں وچ بی ڈی ایس فرانس،بی ڈی ایس اٹلی،ای سی سی پی(یورپی کمیٹی)،آئرلینڈ فلسطین سالڈیریٹی مہم،فلسطین سالڈیریٹی سویڈن،جے وی پی(امن لئی یہودی آواز)،فلسچین کمیٹی ناروے ورگی جتھے بندیاں رلتی نیں۔وزارت آکھیا ہے اساں انہاں نوں یا انہاں نالکم کردے کسے بندے نوں اسرائیل وڑن نہیں دواں گے۔ ہن اساں دفاعی پالیسی مکا دتی ہے اتے حملہ کرن دی پالیسی اپنائی ہے۔ایہہ اپنی شکستاں منن دا اعترافی بیانیہ جے۔دوجے پاسے اسرائیل دی ہک ہور وزارت ایہہ بیان جاری کیتا ہے پئی لوکاں دے اسرائیل آون نوں ڈکن دا اختیار داخلہکول نہیں اتے اساں سب نوں آون دیاں گے۔ایہہ اسرائیلی سیاستاں وچ اتھل پتھل دا لشکارا ہے۔ جے وی پیJewishVoiceForPeace اپنی ٹوئیٹ وچ آکھیا ہے پئی اسرائیل دا ایہہ فیصلہ کوڑ تے ہے پر سانوں کوئی حیرانیاں نہیں۔ کیونجے ایہہ جمہوریتاں توں اک ہور قدم پچھے ہٹن دا بوتھا ہے۔جے وی پی دی ایگزیکٹو ڈائریکٹر ویلکو مرسن ہوراں آکھیا ہے پئی ایس پالیسی نال مینوں ذاتی نقصان ہو سی کیونجے میرے خاندان دے بہوں لوک اسرائیل رہندے نیں۔آئرش فلسطین سالڈیریٹی والیاں آکھیا ہے پئی اسرائیل انہاں یہودیاں خلاف ایکشن لتا ہے جیہڑے اسرائیل دی پالیسیاں نوں غلط منیندے نیں۔پچھلے ہفتہ نوں خبر آئی سی پئی اسرائیلی سراکار نے بی ڈی ایس لہر نوں ڈکن لئی پورے72ملین ڈالراں دی رقماں رکھیاں نیں۔ہن انہاں رقماں نوں کھاون دا بندوبست وی تے کرنا ہے۔
https://www.rt.com/news/415229-israel-bds-palestine-list-barred/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels