Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> رقماں بچاؤ، عزت گھٹاؤ۔ٹرمپی پراجیکٹ دا فیدہ چین نوں

رقماں بچاؤ، عزت گھٹاؤ۔ٹرمپی پراجیکٹ دا فیدہ چین نوں

January 3rd, 2018

اقوام متحدہ وچ تریخی شکستاں بعدوں امریکہ دے رعباں، دبدبیاں وچ گھاٹے وادھو کہ ایس دا فیدہ چین نوں ہر تھاں تے ہو رہیا ہے۔انہاں شکستاں توں توجہ ہٹاون لئی ایران تے پاکستان ول خبراں دا رخ موڑیا گیا ہے۔عالمی میڈیا نوں وی ہن اجہی خبراں وچ زیادہ دلچسپیاں۔ٹرمپ امریکی خرچے بچاون دے نعرے تے آئے سن کہ امریکی خزانے نوں بھرن بعدوں اوہ بے روزگار گورے امریکیاں نوں سفنے وکھائے سن۔پر جے رقماں بچاندے بچاندے کتھے اوہ امریکی ریاست نوں عالمی پدر تے تنہائیاں ول لے گئے تے اوس دبدے دی بحالیاں وچ بچائی گئی رقماں توں وادھو خرچنا پئے جائے گا۔
چلو پاکستان دی گل چھڈو، اخیر اوہ کیہڑیاں پالیسیاں نیں جس پاروں امریکہ فرانس،کنیڈا، جرمنی، بھارت،برطانیہ تے سعودی عرب توں وی حمائیتاں نہیں لے سکیا؟اقوام متحدہ وچ جداں ٹرمپ سب نوں رقماں گھٹاون دی دھمکی نال ڈکن دا آہر کیتا تے اوس توں ڈر کے امریکہ دی حمائیتاں وچ وادھا نہیں ہویا۔ شکستاں بعدوں امریکہ دی بلارن نکی ہیلی آکھیا پئی اساں اقوام متحدہ دی فنڈنگ ڈک دیاں گے اتے ہن ایس تے عمل ہو رہیا ہے۔امریکہ نے فلسطین دی امداد وی بند کرن دا آکھ دتا ہے۔پر جتھے جتھے امریکہ رقماں دے گھمے نوں ورت رہیا ہے اتھوں ردعمل تاں مارے الٹ آ رہیا ہے کیونجے چین اتھے اتھے اپنے پیر پکے کر رہیا ہے۔دوجے پاسے ہک ہشیار کھڈاری وانگ چین تے روس وچ سانجھ ودھ رہی ہے اتے مشرقی سائبریا توں چین جان والی گیس پائپ لائن دے سپلائیاں نوں ڈبل کر دتا ہے۔
چین اگے بے وس ٹرمپ عالمی پدر تے شکستاں دا رخ ایران تے پاکستان ول موڑن وچ لگیا ہے پر ایس نال امریکی دبدبہ ودھے گا نہیں۔ہن عالمی پدر تے جیہڑا وی جھیڑا ودھے گا اوس وچ ثالثیاں دا کردار امریکہ نہیں کر سکے گا۔فلسطین تے اسرائیل دے دو ریاستی حل ول اوبامہ لے گیا سی اتے ایس وچ سب ملک راضی سن اتے امریکہ نوں عزتاں ملنیاں سن۔ پر ٹرمپی پالیسیاں پاروں اج امریکہ چین لئی رستہ آپ بنا رہیا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels