Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> ٹرمپ دی پاکستان بعدوں ایران خلاف وی ٹوئیٹاں۔پواڑہ کیہہ ہے؟

ٹرمپ دی پاکستان بعدوں ایران خلاف وی ٹوئیٹاں۔پواڑہ کیہہ ہے؟

January 2nd, 2018

نویں سال دے پہلے دن امریکی صدر ٹرمپ پہلے پاکستان اتے فیر ایران خلاف ٹوئیٹاں کیتیاں۔بہانہ پاکستان پر نشانہ اوبامہ، پر سوال ایہہ ہے پئی کیہہ ٹرمپ دا بیان اچانک آیا یا کسی سلسلے دا حصہ ہے؟جداں ستمبر وچ چین تے روس دی موجودگی وچ پاکستان وچ کم کردیاں مذہبی جتھے بندیاں دے ناں لتے گئے سن تے اساں عالمی پدر تے ایس بدلدے ورتارے نوں لٖفٹاں نہیں کروائیاں سن، کیوں بھلا، ایس بارے مڑ جھات پانی لوڑی دا ہے۔28جولائی دے فیصلے پاروں پاکستان وچ اندرونی پاڑ تے پہلاں ہی پئے چکیا سی اتے ریوو پٹیشن پاروں ایس پاڑ نوں ہور ودھایا گیا۔دوجے پاسے فیض آباد دھرنے پاروں عالمی پدر تے پاکستان خلاف بیانیہ چلاون والیاں نوں موقعہ ملیا اتے کجھ دن پہلاں نیویارک ٹائمز آپدے اداریے وچ ایس بارے لکھدے ہوئے دسیا پئی اصل طاقت پارلیمنٹ کول نہیں۔ایس سب گل بعدوں ’’سب اک صفحہ تے نیں‘‘ والا بیانیہ آپ گھجل ہو چکیا ہے۔ٹرمپ دی پاکستان خلاف گلاں بعدوں امریکی سفیر نوں طلب کر کے احتجاج رجسٹر کروایا اتے دوجے پاسے ایرانی صدر نے وی ٹرمپ نوں اوس دی ایران مخالف ٹوئیٹ دا بھرنواں جواب دتا۔ چیتے رہے پئی ٹرمپ ہوراں نرے ادھے گھنٹے وچ ایہہ دونوں ٹوئیٹاں کیتیاں ۔ اینج جاپدا ہے پئی شمالی کوریا اگے بے وس اتے بیت المقدس دے مسلہ تے شکستاں بعدوں ٹرمپ ایران مخالف مہماں وچ رلت پاروں پاکستان تے دبا ودھا رہیا ہے۔خارجہ پدر تے امریکی تنہائیاں بعدوں ٹرمپ ہور پھسدا جا رہیا ہے۔دوجے پاسے روسی خارجہ وزارت وی ایران وچ باہروں سازشاں کرن والیاں نوں باز رہن دا آکھیا ہے۔پاکستان وچ سعودی سفیر ولوں دو دن پہلاں سی پیک وچ رلن دی خاہش والے بیان دی اپنی تھاں اہمیتاں وادھو۔جے پاکستان پچھلے سال وچ اندرونی پاڑاں توں بچیا ہوندا ،پانامہ کیس توں فیض آباد دھرنے تیک کم نہ ہوئے ہوندے تاں سب دے اک صفحہ تے ہون دا تاثر تگڑا ہوندا ۔پر وڈی گلاں نوں پراں کر کے دوجے ایجنڈے چلاون پاروں ایہہ نہ ہویا۔مسلہ ٹرمپ دے بیان دے نال نال اندرونی پاڑ دا وی ہے۔اپنی ایران مخالف ٹوئیٹ دے اخیروچ ٹرمپ لکھیا ہئ پئی ایہہ ایران وچ تبدیلیاں دا ویلہ ہے ۔ایہہ گل دس رہی ہے پئی ایہو اگلا ایجنڈا وی ہوسی۔ 


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels