Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> جاپان وچ امریکی فوجی اڈے خلاف وکھالے۔عالمی تے شالمی میڈیا چپ

جاپان وچ امریکی فوجی اڈے خلاف وکھالے۔عالمی تے شالمی میڈیا چپ

وچار ڈیسک
December 31st, 2017

مشرقی چینی سمندراں ول لگدے جاپانی جزیرے اوکیناوا نوں چین دا جبرالٹر آکھیا جا سکدا ہے کہ جتھے پورے 32امریکی فوجی اڈے نیں جس پاروں25فیصدی تھاواں تے امریکی قنونی قبضہ جے۔کیونجے اجکل ہشیار عالمی میڈیا اینٹی ایران اتے اینٹی چین خبراں وچ رجھیا ہویا ہے ایس لئی جابانی وکھالیاں پاسے ساڈے شالمی میڈیا دا وی دھیان نہیں جاندا۔روسی میڈیا آر ٹی ڈاٹ کام اتے کجھ اونتری ویب سائٹاں اتے کجھ جاپانی سوشل میڈیا راہیں کجھ خبراں لیک ہو رہیاں نیں۔اجہے ہنگامیاں دی خبراں اوکیناوا توں آندیاں ہی رہندیاں نیں کہ امریکی فوجی قدیمی آبادی وچ وڑ جاندے نیں تے نوآبادیاتی افسراں وانگ ریپ تے تشدد دے وقوعے وادھو۔امریکہ یا برطانیہ وچ تے ڈرنک بندیاں دی ڈرائیونگاں دی اجازتاں نہیں پر نو آبادیات وچ تے ایہہ عیاشیاں چلدیاں نیں۔ڈرنھ ہو کت گڈیاں مارن والے امریکی فوجیاں خلاف وکھالے جاپان وچ پہلے وی ہوندے رہے نیں پر ہشیار عالمی تے شالمی میڈیا روہنگیاں نوں ہی چکنا ہوندا جے۔فوجی اڈیان نیڑے آبادیاں بہوں ماڑی حالتاں وچ نیں اتے جاپانی حکومت امریکیاں اگے کابل سرکار وانگ بولن دی ہمتاں نہیں رکھدی۔کیہہ جاپان وی افغانستان وانگ ہک کلائنٹ ملک ہی ہے؟ایہہ سوال چکن دی اجازتاں نہیں۔
دسمبر دی13تریخ نوں ہک تازے وقوعے وچ ہیلی کاپٹر توں کجھ پرزے، ہورے پورے کھڑکی، تھلے سکول وچ ڈگ گئی تے بچے ڈر گئے۔اک دس سالہ بچی زجمی وی ہوئی۔ایہہ کوئی اکلا وقوعہ نہیں۔کجھ دن پہلاں اک سکول دی چھت تے کوئی سلنڈر نما چیز ڈگی سی اتے سویرے سکول والیاں نوں پتہ چلیا۔2004وچ تے پورا ہیلی کاپٹر ہی اک یونیورسٹی تے جا ڈگا سی پر اوسویلے چھٹی دا ویلہ سی۔ اجہے کوڑ کماں خلاف گنوواں کنڈر گارٹن سکول دی استاداں تے ماپیاں دی جتھے بندی وکھالا کیتا اتے امریکن میرین والیاں نوں آکھیا پئی اپنا فوجی اڈا کتھے ہور لیجاو تے ساڈے بچیاں نوں سکون نال پڑھن دیو۔گنوواں دی واسی یوچی ہوراں آپدے ٹوئیٹر ہینڈل تے فوٹواں وی دتیاں اتے لکھیا وی۔ لنک وی دے رہے ہاں تساں آپ پڑھ تے ویکھ لو
 دسمبر 31۔روسی آر ٹی دی رپورٹ
https://www.rt.com/news/414661-okinawa-protest-us-military-flights/
یو چی ہوراں دی ٹوئیٹ
https://twitter.com/ihayoichi


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels