Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> ایران : گرفتاریاں ا تے امریکی مذمتاں۔دھرنے،دھاندلیاں ہشیار پراکسی جنگاں اتے میڈیا

ایران : گرفتاریاں ا تے امریکی مذمتاں۔دھرنے،دھاندلیاں ہشیار پراکسی جنگاں اتے میڈیا

December 31st, 2017

وائس آف امریکہ، بی بی سی اتے ٹرمپ ہوراں نوں ایران وچ دھرنیاں دی اوڈی فکر جڈی بھارتیاں نوں سی پیک دی۔جنہاں نوں یمن، فلسطین، کشمیر،لبیا نظر نہیں آندا اوہ ایرانی لوکائی لئی سکدے جا رہے نیں۔انسانی حقاں تے میڈیا دی آزادیاں نوں کنج ننگے ہو کے ورتیا جاندا ہے ایس دی مثالاں دنیا وچ وادھو اتے ایران بارے پردھان عالمی میڈیا اوسے نکمے اتے ہشیار ایجنڈے تے چل رہیا ہے جنج انہاں چار فیصدی روہنگیاں دے مسلے تے اینٹی چین مہماں نوں ٹیک دتی سی۔جنج اج پاکستان وچ ہون والی اے پی سی وچ ماڈل ٹاؤن وقوعے وچ مرن والے چودہ بندیاں نوں انصاف دین لئی اوہ جماعتاں وی رلتی سن جنہاں تے کراچی دی بلدیہ فیکٹری وچ ڈائی سو بندیاں نوں ساڑن دا الزام ہے۔پاکستانی میڈیا اے پی سی دی کوریج وچ ایہہ سوال چکیا ہی نہیں۔دو دن در وٹن بعدوں اج پاکستانی میڈیا تے ایران دی خبراں چلیاں پر روہنگیاں وانگ یک طرفی خبراں چلیاں۔ اج تہران تے مشہد وچ تے سرکار دی حمائیتاں وچ وڈے اکٹھ ہوئے پر ایس بارے خبر نہیں چلی۔ایہہ آکھیا گیا پئی ایران وچ میڈیا تے پابندیاں لا دتیاں گیاں نیں۔پر ایہہ خبر تے عالمی میڈیا تے وی نہیں۔وچار تے اساں وکھالیاں دا ویروا کر چکے ہاں۔تساں لنک پڑھ لو
http://www.wichaar.com/news/117/ARTICLE/33779/2017-12-30.html
صدر روحانی توں چوناں ہارن والے قدامت پسندحسین موسوی وکھالیاں وچ ایہہ آکھ رہے نیں پئی چوناں وچ دھاندلیاں ہوئیاں نیں۔ ہو سکدا ہے کل نوں پاسداران انقلاب دے حمائیتی موسوی ہوراں ہشیار عالمی میڈیا اتے ٹرمپ دی وی حمائیتاں مل جان۔سرکار مکالف مہماں وچ سوشل میڈیا نوں وی ورتیا جا رہیا ہے اتے صدر روحانی تے سپریم لیڈر خامنائی خلاف نعرے وی لگوائے جا رہے نیں۔پاکستان وچ وی اجیہا گھما دھاندلیاں تے کرپشن دے نعریاں تے اساریا گیا سی۔ہن تساں وائس آف امریکہ دی ہشیار خبر وی پڑھو جس وچ نرا ہک پکھ ہی دسیا گیا ہے۔
امریکی محکمہ خارجہ نے ایران وچ پر امن احتجاجیاں دی گرفتاریاں دی بھرنویں مذمتاں کیتیاں جے۔ پچھلے دو دیہاڑ اں وچ ملک دے معاشی مسلیاں پاروں ایران دے شہراں وچ ہون والے وکھالیاں پاروں 50 توں وادھو بندیاں نوں گرفتار کیتا گیا۔ جمعے دے دن اک بیان وچ محکمہ خارجہ نے آکھیا ہے کہ اوس دی انہاں رپورٹاں تے نظر ہے جیہناں وچ دسیا گیا ہے کہ ایرانی شہریاں نے ملک بھر دے شہراں وچ ہون والے بہوں سارے پرامن احتجاجاں وچ رلت کیتی ہے۔ بیان وچ آکھیا گیا ہے کہ ایران دے لیڈراں نے اک دولت مند ملک نوں جس دی شاندار تریخ تے ثقافت ہے، معاشی طور تے اک روگی ملک بنادتا ہے، جس دی اہم برآمداں تشدد، خون خرابے تے وگاڑ نیں۔ بیان وچ امریکی صدر ڈونالڈ ٹرمپ دے حوالے توں آکھیا ہے کہ ایران دے راہنماواں نے اک طویل عرصے توں ایرانی عوام نوں اوکڑاں دا شکار بنایا ہویا ہے۔ امریکی محکمہ خارجہ نے زور دتا ہے کہ بنیادی حقاں نال جڑے ایرانی عوام دے مطالبیاں تے بدعنوانیاں نوں ڈکن لئی سارے ملکاں نوں ایرانی عوام دی کھل کے مدد کرنی چاہیدی ہے۔ بیان وچ ایہہ وی آکھیا گیا ہے کہ امریکی وزیر خارجہ ریکس ٹلر سن نے ایرانی عوام لئی اپنی بھرنویں حمایتاں دا آکھیا ہے۔ ایس توں پہلے جمعے دے دن ایران دے مختلف شہراں وچ لوک جمع ہوئے، جس وچ انہاں نے ملک دی معیشت تے سرکاری پالیسیاں دے خلاف ناپسندگیاں بارے اپنی آواز بلند کیتی۔ ایران دی فارس نیو ایجنسی نے آکھیا ہے کہ کرمان شاہ دے مغربی شہر وچ تقریباً 300 بندے جمع ہوئے، جتھے نومبر وچ آن والے زلزلے وچ 600 دے قریب افراد مرے سن۔ فارس دسیا ہے پئی ایہہ اکٹھ پلس ولوں کیتی گئی کاروائیاں دے بعد منتشر ہویا سی۔ تہران وچ، سرکاری سکیورٹی تے مامور اک اہل کار محسن ہمدانی نے اخباری نمائندیاں نوں دسیا کہ جمعے دے دن پبلک چوک تے ہون والے احتجاجی وکھالے وچ 50 توں وی گھٹ بندے رلتی سن۔ انہاں نے دسیا کہ انہاں چوں کجھ نوں عارضی طور تے پھڑیچیاگیا جداں انہاں نے جان توں انکار کیتا تد پلس نے احتجاجیاں نوں دوڑا دتاا۔ ایران نوں 12.4 فیصدی شرح دی بے روزگاریاں دا سامنا ہے جداں کہ ایس دی معیشتاں جامد نیں تے افراط زر تیزی نال ودھ رہیا ہے۔ احتجاجیاں نے اک لمیرے چر توں ملک توں باہر،خاص طور تے شام وچ ایرانی فوجی اہل کاراں دی تعیناتیاں خلاف آواز بلند کیتی ہے۔ ایران دے سینئر نائب صدر اسحاق جہانگیری نے جمعے دے دیہاڑ دسیا کہ کجھ سیاسی دھڑے معیشت نوں بہانہ بنا کے حکومت دے خلاف تنقید کررہے نیں۔ انہاں نے آکھیا کہ جیہناں نے ایہہ وکھالے شروع کیتے نیں، ہو سکداہے کہ ایہہ تحریک انہاں دے قابو توں باہر نکل جائے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels