Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> ترکی دا وزیراعظم وی سعودی عرب وچ۔شہباز نال ملاقات۔چینی سفارتکاریاں؟اتے اے پی سی

ترکی دا وزیراعظم وی سعودی عرب وچ۔شہباز نال ملاقات۔چینی سفارتکاریاں؟اتے اے پی سی

وچار ڈیسک
December 30th, 2017

پاکستان وچ سعودی عرب دے سفیر ایڈمرل(ر) نواف سعید احمد المالکی آکھیا ہے پئی سی پیک توں بعدوں ہن سعودی عرب تے پاکستان وچ نویں رشتے بنن گے۔ایہہ بیان اک ایسے موقعے تے آیا ہے جداں سیکورٹی ایڈوائزر جنرل(ر) جنجوعہ نال مالاقاتاں بعدوں ہن نواز شریف وی سعودی عرب جا رہے نیں۔ شہباز شریف وی اتھے ہی نیں اتے ترکی دے وزیراعظم نال وی مسجد نبویؐ وچ ملے نیں۔مدینہ منورہ وچ یلدرم ہوراں نال ہون والی ایس ملاقات نوں وی میڈیا رپورٹ کیتا ہے۔پاکستان وچ شہباز، نواز دے دوریاں نوں نرا مقامی سیاستاں پاروں ہی ویکھیا جا رہیا ہے پر مسلم لیگ۔ن دے لیڈر اتے پنجاب دے وزیر قنون ایس بارے مسلم دنیا دے سانگیاں ول خبر ٹوردے ہوئے اشارے دتے نیں۔پر پوری گل تے ایہہ ہے پئی اندر باہر دا کھیڈ وکھرا وکھرا نہیں ہوندا۔ سوال تے ایہہ ہے پئی کیہہ بیت المقدس والے فیصلے پاروں امریکی تنہائیاں کسے نویں بندوبست ول ودھن دا پک ہے؟ کیہہ سعودی عرب پرانے اینٹی ایران ایجنڈے توں پراں ہٹن لئی تیار ہے؟ جے ترکی دی آگوائی تے چینی الار ول گل ودھدی ہے تاں گل ہور دی ہور ہو سکدی ہے اتے ایس وچ خموش چینی سفارتکاریاں دا اثر وادھو۔ شاہ سلمان بن عبدالعزیز نال ترک وزیراعظم یلدرم ہوراں دی ملاقاتاں وچ تجارت،سرمایہ کاری اتے خارجہ دے سعودی وزیراں دے نال نال انٹیلی جنس ہیڈ وی رلتی سی اتے ریاض دا گورنر شہزادہ فیصل بن بندر بن عبدالعزیز وی سی۔سی پیک توں بعدوں پاکستان وچ جے سب اک صفحے تے ہون تاں ایران، سعودی عرب اتے افغانستان نال نویں رشتے اسارے جا سکدے نیں پر ایس لئی اندر دی لڑائیاں نوں لانبھے رکھنا ہوئے گا۔اپوزیشن وی سب جاندی ہے پر اوہ سارا زور اندر ول لا رہی ہے۔سعودی عرب وچ پھڑیچے شہزادیاں دی رہائیاں نوں وی ایس بدلدے بوتھے دا لشکارا آکھیا جا سکدا ہے۔ایس ویلے پی پی پی لئی اوکڑاں دہریاں کہ عمران، قادری تے جاندے نیں اوہ کیہہ کر رہے نیں۔اج اے پی سی وچ سارا زور اندر ہی رہندا ہے یا نہیں، ایس بارے وی گل سامنے آ جا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels