Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> کرپشن دی آڑاں وچ ایران وچ وی دھرنا سیاستاں۔ٹارگٹ روحانی یا ایران؟

کرپشن دی آڑاں وچ ایران وچ وی دھرنا سیاستاں۔ٹارگٹ روحانی یا ایران؟

وچار ڈیسک
December 30th, 2017

عالمی میڈیا وچ ایران دی خبراں وادھو۔احتجاجیاں کئی تھاواں تے پبلک پراپرٹی دی توڑ بھن کیتی۔کرپشن دا گھما ایران وچ وی چلاون دی تیاریاں لگدا ہے سکرپٹ رائٹر اک ہی ہے۔ایران حمائیتی عالمی میڈیا تے وی ایہو خبراں نیں تے بی بی سی نوں تے اللہ موقعہ دے۔جمعرات توں ایہہ خبراں ودھ رہیاں نیں پر ساڈا میڈیا اخیر وچ جاگدا ہے۔ایران دے فرسٹ نایب صدر اسحاق جہانگیری دا بیان سب تھاواں تے چل رہیا ہے جس وچ انہاں منیا ہے پئی کجھ شہراں وچ لوک قیمتاں ودھن تے باہر نکلے نیں پر انہاں نال ہی ایہہ وی آکھیا ہے کہ ایس نوں کوئی ہور ورت رہیا ہے اتے ایہہ سیاستاں حکومت ڈیگن دا ایجنڈا ہے۔احتجاجیاں بارے سوشل میڈیا وچ وڈی مہماں چل رہیاں نیں جس وچ کرپشن، بے روزگاریاں تے فوڈ پرائسس ودھن دے نال نال کجھ دیر پہلاں چوناں جتن والے صدر روحانی نوں ڈکٹیٹر آکھیا جا رہیا ہے۔ احتجاجیاں وچ وکھری وکھری سوچ رکھن والے تے وکھرے وکھرے نعرے لاون والے رلتی نیں۔مڈل ایسٹ آئی والیاں صدر روحانی خلاف نعرے وی رپورٹ کیتے نیں تے سپریم لیڈر آئیت اللہ خامنائی دے خلاف وی۔ایہہ نعرے وی رپورٹ ہوئے پئی شام نوں چھڈو تے ایران دی فکر کرو۔طلبا دا ہک گروپ نعرے لاندا رہیا پئی غزہ تے لبنان نوں چھڈو تے ملک بارے سوچو۔انڈیاں دی قیمتاں ڈبل ہون خلاف وی احتجاج کیتے گئے۔کل اپنے خطاب وچ سپریم لیڈر آکھیا سی پئی ہن سدھی جنگاں نہیں ہون گیاں سگوں پراکسی (سافٹ) جنگاں ہون گیاں تے ایس وچ ایران دے اندروں لوکاں نوں ورتیا جائے گا۔انقلابی ہونا تے انقابیت نوں ورتنا دو وکھرے وکھرے کم نیں۔تہران، شیراز، اصفہان وغیرہ وچ نکے پر کرمان شاہ اتے مشہد وچ وڈے وکھالے ہوئے جتھے پاسداران دا اثر وادھو ہے۔ایران وچ سپریم لیڈر آرمی چیف اتے خفیہ ایجنسیاں دے آگواں نوں آپ چنندا ہے تاں مارے سپریم لیڈر بہوں طاقتور ہوندا ہے۔عالمی میڈیا وی لکھ رہیا ہے پئی خامنائی ہوراں بعدوں کون سپریم لیڈر ہوئے گا؟ ایس پاروں ایران وچ وڈی لڑائی دی تیاریاں نیں۔ٹرمپ ولوں عالمی ایرانی ایٹمی ڈیل مکاون دے فیصلے پاروں ایران وچ ایس معاہدے دی مخالف قدامت پرست لابی نوں دھچکہ لگیا ہے۔کیہہ ایہہ لابی وکھالیاں وچ اگے اگے ہے؟کیہہ اوہ کرپشن، بے روزگاریاں تے قیمتاں ودھن دے گھمے نوں ورت کے روحانی سرکار نوں پریشر وچ لیائے گی؟ ایہہ سوال اج ہر ایرانی دے منہ تے نیں۔
کجھ خبراں دے رلدے ملدے لنک
https://www.aljazeera.com/news/2017/12/protests-reported-kermanshah-mashhad-iran-171229142706874.html
ایہہ وی ویکھو، سپریم لیڈر دی گل بات
http://www.leader.ir/en/content/20187/Ayatollah-Khamenei's-meeting-with-officials-of-Coordination-Council-for-Islamic-propagation


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels