Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> سعد رفیق دے بیان وچ کجھ نہیں سی۔آئی ایس پی آر نوں بیان نہیں دینا چاہیدا سی۔لیڈر اپوزیشن خورشید شاہ

سعد رفیق دے بیان وچ کجھ نہیں سی۔آئی ایس پی آر نوں بیان نہیں دینا چاہیدا سی۔لیڈر اپوزیشن خورشید شاہ

وچار ڈیسک
December 29th, 2017

پاکستان پیپلز پارٹی دے لیڈر اتے قومی اسمبلی وچ اپوزیشن رہنما سید خورشید شاہ ہوراں میڈیا نال گل کردے ہوئے آکھیا ہے پئی میں بڑے دھیان نال مسلم لیگ۔ن دے لیڈر تے وفاقی وزیر ریلوے خواجہ سعد رفیق دا بیان پڑھیا ہے(ایہہ بیان سعد رفیق24 دسمبر نوں دتا سی اتے یو ٹیوب تے پیا ہے)اتے اوس بیان وچ مینوں کوئی ایسی گل نظر نہیں آئی جس خلاف آئی ایس پی آر ردعمل دتا ہے۔آئی ایس پی آر بہوں ذمہ وار ادارہ ہے اتے اوس دے ہک ہک لفظ دی اہمتاں نیں۔خورشید شاہ لہور وچ میڈیا نال گل بات کر رہے سن۔انہاں اپنی گل بات وچ شہباز شریف دے سعودی عرب جاون اتے سعودیاں دے پاکستانی سیاست وچ رول بارے وی سوال چکے اتے آکھیا پئی پرانا این آر او تے جمہوریت دی بحالیاں لئی سی پر ایہہ ذاتی ہے تے اسی ایس دے مخالف ہاں۔ فیض آباد دھرنے بارے انہاں آکھیا پئی ایس پاروں پاکستان عالمی پدر تے بدنام ہویااتے عالمی پدر تے ایس بارے خبراں لگیاں۔انہاں دو دن پہلاں چھپے نیویارک ٹائمز دے اداریے دا ناں نہیں لتا جس وچ دھرنے دا ذکر وادھو سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels