Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> رل مل کم کراں گے۔چین،افغانستان، پاکستان۔ گروپ چار کتھے گیا؟کھوتا کھوہ وچ؟

رل مل کم کراں گے۔چین،افغانستان، پاکستان۔ گروپ چار کتھے گیا؟کھوتا کھوہ وچ؟

وچار ڈیسک
December 27th, 2017

بیجنگ وچ پاکستان، چین تے افغانستان دا’’سی ملکی‘‘ اکٹھ ہوگیا جس وچ افغان امن عمل بارے تِنوں ملکاں سانجھی گل بات جاری رکھن تے راضی، پر وڈا سوال ایہہ ہے پئی جیہڑا چار ملکی اکٹھ اوبامہ جاندے جاندے بنوا گیا سی اوس وچوں ٹرمپ کیوں باہر نکلیا ہے؟۔اوس چار ملکی اکٹھ دے اجلاساں ویلے جنج طالبان نے ہر وار دھماکے کروائے اوہ ریکارڈ دا حصہ نیں۔ہن پتہ چلیا پئی اوس چار ملکی اکٹھ دے طالبان ہی خلاف نہیں سگوں ٹرمپ ورگے وی خلاف نیں۔ہن تاں مارت ایہہ سہہ ملکی اکٹھ چین کروایا ہے۔ جداں دا چین نے پاکستان تے افغانستان نوں ہک میز تے بٹھان دی گل کیتی ہے اوس سال توں دھماکے وادھو ہون لگے نیں۔ سی ملکی گل بات دا ٹیچا تے اوہی پرانا ہے پئی انہاں ملکاں وچ آپسی سانگے تگڑے کرنا۔ اکٹھ وچ پاکستان، چین تے افغانستان دے خارجہ وزیراں رلت کیتی۔ وزیر خارجہ خواجہ آصف، چینی وزیر خارجہ وانگ ژی تے افغانستان وزیر خارجہ صلاح الدین ربانی ایس گل تے زور دتا پئی افغان طالبان گل بات وچ رلن۔ترے ملکاں ایہہ وی مڑ متھیا پئی ایس اکٹھ وچ رلتی ہر ملک اپنی تھاواں نوں دوجے ملکاں خلاف ورتن نہیں دے گا۔پر وڈا مسئلہ تے انہاں تھاواں دا ہے جتھے ریاستی رٹ نہ ہون جوگی ہے اتے اتھے جداں تیک ایہہ ترے ملک سانجھی کاروائیاں نہیں کرن گے کھوتا کھوہ وچ ہی رہے گا۔ات گردیاں خلاف لڑن دے اعلان تے بڑے چر توں ہو رہے نیں اتے ایس اکٹھ وچ ایس بارے گل ہوئی پر چین ایہہ اشارے وی دتے نیں کہ افغانستان ون بیلٹ ون روڈ وچ رلتی ہو سکدا ہے۔ ایس پاروں پاک افغان سیکورٹی اداریاں دا امتحان ودھ جاندا ہے۔ایس اکٹھ دا دوجا اجلاس ہن افغانستان وچ ہوئے گا ۔ جے پاکستان ایس کم نوں توڑ لیجا سکیا تاں اوس نوں افغانستان وچ بھارتی اثر بارے گل کرن دی لوڑ نہیں رہے گی۔پر ایس امن مشن وچوں امریکہ دا نکلنا، ٹرمپ دے دہرے معیاراں وچوں اک ہے۔امریکہ ٹرمپ پاروں اگے ہی مڈل ایسٹ وچ اکلا رہ گیا ہے تے ہن ایتھے وی۔ پاکستان ولوں ایس گل بات وچ وزیر خارجہ خواجہ آصف توں اڈ سیکرٹری خارجہ تہمینہ جنجوعہ تے ڈی جی چین ڈیسک وی رلت کیتی۔اکٹھ وچ افغان مہاجراں دی واپسیاں بارے وی سب راضی سن اتے خفیہ گل باتاں نوں سانجھیاں کرن تے وی۔ پر جداں تیک پاکستان تے افغانستان وچ اجیی تھاواں نیں جتھے ریاستاں دی رٹ نہیں اوس ویلے تیک کجھ نہیں ہو سکدا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels