Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پاکستان: ات گردیاں خلاف سپیکر کانفرنس۔ایران،ترکی، روس، افغانستان تے چین رلت کر سن

پاکستان: ات گردیاں خلاف سپیکر کانفرنس۔ایران،ترکی، روس، افغانستان تے چین رلت کر سن

وچار ڈیسک
December 23rd, 2017

جے پارلیمنٹ نوںآپدا کردار ادا کرن دا موقعہ ملے تاں سینیٹ اتے قومی اسمبلی جہے فورم نویں رستے لبھ سکدے نیں۔سفارتکاریاں وچ تاں نویں نویں رستیاں دی گنجائشاں وادھو پئی جنگاں اتے پراکسی جھیڑے سفارتکاریاں نوں ڈکدے نیں۔ ہن ایرانی میڈیا ایہہ خبر چلائی ہے۔پاکستانی سپیکر قومی اسمبلی ستمبر دے اخیری ہفتے ایس بارے پاکستانی میڈیا نوں دسیا سی۔ روس چین نال رل کے ہی ات گردیاں خلاف وڈا مورچہ لایا جا سکدا ہے۔ٍساڈی اسمبلی ہی نے یمنی قراداد دی منظوریاں دتیاں سن اتے جے پاکستان وچ سب دھڑے اک صفحہ تے ہون گے تاں نویں رستے بندے چلے جان گے۔ ایرانی میڈیا’’ ارنا‘‘ نے ایرانی سپیکر دے کل ایتوار نوں اسلام آباد جان بارے ایہہ خبر چلائی ہے۔ پاکستان دی قومی اسمبلی دے سپیکر دی چھتر چھاویں دہشتگردیاں نال نبڑن تے آپسی ملن ورتن بارے پہلی وار سپیکراں دا اکٹھ ہورہیا ہے جس وچ اسلامی جمہوریہ ایران دی رلت وی ہو سی۔ پاکستانی میڈیا دے مطابق، پاکستانی پارلیمنٹ دے سپیکر سردار ایاز صادق ایس کانفرنس دے پردھان ہون گے۔ ایہہ کانفرنس 24 دسمبر اتوار نوں وفاقی دارالحکومت اسلام آباد وچ ہوئے گی۔ ایران دی اسلامی مجلس شوری (پارلیمنٹ) دے سپیکر علی لاریجانی پاکستان جا سن۔ علی لاریجانی دے نال ہک پردھان پارلیمانی وفدوی کجھ دناں بعدوں پاکستان جائے گا۔ ترکی، روس، چین تے افغانستان دے سپیکر وی ایس کانفرنس وچ رلتی ہون گے۔ سپیکراں دے ایس اکٹھ دا ٹیچاات گردیاں نال جڑے چیلنجاں اتے آپسی ملن ورتن نون ودھانا جے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels