Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> بیت المقدس :فلسطینیاں روس تے چین نال رابطے تیز۔عباس فرانس جا سی۔پاکستان چپ

بیت المقدس :فلسطینیاں روس تے چین نال رابطے تیز۔عباس فرانس جا سی۔پاکستان چپ

وچار ڈیسک
December 20th, 2017

بیت المقدس دی حیثیتاں نوں بدلن والے ٹرمپی فیصلے بعدوں دنیا اتے مڈل ایسٹ دی سیاستاں وچ تیزیاں۔فلسطینیاں روس تے چین نوں کردار ادا کرن دا آکھدے ہوئے امریکی کردار نوں فارغ کر دتا۔فلسطینی صدر محمود عباس نے ایس کوڑ فیصلے تے پہلاں ہی آکھیا سی پئی ہن امریکہ مڈل ایسٹ وچ اسرائیل تے فلسطین وچ امن لئی کوئی کردار ادا نہیں کر سکدا۔ایس دے نال ہی انہاں امریکی نائب صدر نوں وی سنیہا گھلیا سی پئی اوہ ہن فلسطین نہ ہی آئے تے انہاں دورہ اگے پادتا۔ ہن انہاں اک فلسطینی وفد روس تے چین گھلیا ہے۔ ایس ویلے ایہہ وفد روس دے دورے تے ہے اتے فیر چین جا سی۔ساڈا میڈیا اجہی خبراں تے کیوں بیٹھ جاندا ہے ایس بارے کجھ آکھن دی لوڑ نہیں۔ایس صورتحال وچ اک پاسے سعودی عرب اتے امریکہ اک پاسے حوثی میزائلاں دا شور پا رہے نیں اتے دوجے پاسے اپنی نویں قومی پالیسی وچ ٹرمپ نے روس تے چین خلاف گلاں کیتیاں نیں۔برطانیہ وی بڑی ہشیاریاں نال  امرکی کیمپ ول ودھ رہیا ہے کیونجے ٹرمپ ہوراں ٹریسا نوں ترایا سی۔دوسالاں توں سعودی اتحاد یمن وچ بمباریاں کر رہیا ہے اتے عرب میڈیا دسیا ہے پئی پچھلے گیارہ دناں وچ136یمنی مرے نیں۔ پر پاکستانی دفتر خارجہ ہورے اک وار وی سعودی عرب نوں باز رکھن دا نہیں آکھیا پر اج خارجہ دفتر والیاں سعودی عرب تے حوثی میزائل حملے دی نندیا کیتی ہے۔پاکستانی پارلیمنٹ تے یمنی جھیڑے تے ہک قرارداد وی منظور کیتی ہوئی ہے اتے کرد ریفرنڈم والی حرکت تے وی پارلیمنٹ اوسے یمنی قرارداد دی گل کیتی سی۔سعودی عرب دے میڈیا’’عرب نیوز‘‘ وچ دسیا گیا ہے پئی میزائل سعودی کیپیٹل ریاض ول آ رہیا سی پر پاکستانی خارجہ دفتر حرمین شریف دی حفاظتاں دا آکھ کے میزائل حملے دی مذمتاں کیتیاں نیں۔ اے ایف پی نال گل باتکردے ہوئے روس چین دے دورے تے گئے فلسطینی وفددے ممبر صالح رفات دسیا ہے پئی اساں ایس ویلے روس وچ ہاں اتے وفد وچوں کجھ بندے چین ٹ جان گے۔اساں ٹرمپ دے فیصلے خلاف عالمی حمائیتاں نال اقوام متحدہ نوں کردار ادا کرن دا آکھاں گے۔محمود عباس آپ ایس ویلے سعودی عرب دے دورے تے نیں۔ سعودی عرب ہن تیک ٹرمپی فیصلے دے خلاف ہے پر اوس تے دبا پاون لئی امریکہ زور لا رہیا ہے۔سعودی عرب جے ایس ویلے علاقائی جھیڑے مکاندا نہیں تے ایس نوں ترمپ دی ہشیار حمائیتاں سمجھیا جائے گا۔سعودی عرب اج قطر نال لگدا زیمنی بار پورا بند کر کے ایس ہشیار حمائیت ول اشارے وی کر دتے نیں۔محمود عباس ریاض توں بعدوں ہن فرانس ٹر جان گے جتھے اوہ یورپی یونین نوں کردار ادا کرن لئی لابنگ کرن گے۔ چین تے روس نے نہ صرف بیت المقدس بارے ٹرمپی فیصلے دی نندیا کیتی ہے سگوں ترمپ دی نیشنل سیکورٹی پالیسی نوں وی رگیدیا ہے۔اسرائیلی میڈیا نے اقوام متحدہ دی جنرل اسمبلی وچ بیت المقدس تے ہون والی ووٹنگ بارے امریکہ دی یو این وچ بلارن نکی ہیلی دا دھمکیاں والا خط پتر چھاپیا ہے جس وچ سارے ملکاں نوں ٹرمپی فیصلے خلاف ووٹ دین دے رزلٹ توں ڈرایا گیا ہے۔پاکستان نوں ترکی وانگ کھلا سٹینڈ جے نہیں لینا تاں گھٹ وگھٹ اوہ سعودی عرب نوں ایہہ آکھے کہ اوہ علاقائی جھیڑے بند کر کے اسلامی عسکری اتحاد وچ ایران، شام، یمن وغیرہ نوں رلتی کرے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels