Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پاکستان وچ گدھ مک رہے جے؟ایسبارے کون سوچے گا؟

پاکستان وچ گدھ مک رہے جے؟ایسبارے کون سوچے گا؟

وچار ڈیسک
December 20th, 2017

پرانی عربی فارسی داستاناں وچ طلسم ہوش ربا دا مقام وڈا کہ اوس وچ گبھراں تے گدھاں داذکر وادھو۔ گبھرو تے اج وی پرچلت جے اتے گبھر پارسیاں نوں آکھدے سن۔گدھاں نوں اساں مکا تے سکدے ہاں پر قصیاں، کہانیاں تے پرانی مورتاں وچوں اتے تواریخ توں کنج مکاواں گے؟اج لہور شہر وچ انگلاں تے گنن جوگے پارسی رہ گئے نیں؟پارسی وی مک رہے نیں تے گدھ وی کہ ایس بارے باہرلیاں آ کے غور تے نہیں کرنا۔ گھٹ و گھٹ دو وڈیاں بلخ توں چلن والیاں پادشاہتاں وچ پنجاب ، کشمیر دی تھاواں رلتی سن اتے ایہہ سوسال دازمانہ بندا ہے جیہڑا اسلام توں بہوں پہلاں دی گل ہے۔ہورے گبھرو اوس ویلے توں ساڈی بولی وچ وس چکا ہے۔چرند تے پرند نوں بچانا تے اونج وی چنگا کم ہے۔فیر گدھاں دا وادھو ذکت قصیاں، کہانیاں وچ وی ہے۔تساں ایہہ خبر پڑھو تے جے دل کرے تے چھانگا مانگا وی ٹر جانا۔
پارسی اپنی صدیوں پرانی روایت تے عمل کردے ہوئے مردیاں نوں گدھاں اگے سٹ دے نیں۔ پہلے مردیاں نوں کسی پہاڑی یا اوچی تھاں تے چھڈ دتا جاندا سی ، جتھے گدھ مردے نوں کھایا کردے سن ۔ گدھ اک اینج دا پرندہ ہے جسنوں دھرم نال جوڑ دتا گیا ہے۔ ایہہ سوچ غلط ہے چنگی یا بُری ، ایس بحث وچ پئے بغیر حقیقت ایہہ ہے کہ پاکستان وچ آباد پارسی برادری نوں جتھے اپنی آبادی وچ سال بہ سال گھاٹیاں دا مسئلہ در پیش ہے اوتھے مرن بعدوں ہون والیاں اخیری رسماں لئی گدھاں دا ملنا وی انہاں لئی اوکھا ہوندا جارہیا ہے۔ پارسی اپنی صدیاں پرانی ریت تے عمل کردے ہوئے مردیاں نوں گدھاں اگے پاندے نیں۔ ہک زمانہ وچ تیمردیاں نوں کسی پہاڑی یا اوچی تھاں تے رکھیاجاندا سی جتھے گدھ انہاں نوں کھا جاندے سن۔ پر بعد وچ ایس کم لئی مینار ے بنائے جان لگے جیہناں نوں ’’چپ مینار‘‘ یا ٹاور آف سائلنس دا ناں دتا گیا۔ اک ریت پاروں ان ٹاورز آف سائلنس وچ گدھاں دی پرورشاں دا بندوبست وی ہوندا سی۔ اک زمانے وچ پاکستان وچ آسمان تے اڈدے کاں چیل تے دوجے پرندیاں وچ سفید کنڈھ والے گدھ وی وکھائی دیندے سن۔ پر ہن ایہہ سب ندارد۔ ہن پاکستان وچ گدھ دی نسل مک رہی جے۔ ڈبلیو ڈبلیو ایف دے ولچرر سٹوریشن پروجیکٹ دی کوآرڈینیٹروردا جاوید دسدی جے پئی پاکستان وچ گدھ چنگی وڈی گنتری وچ پائے جاندے سن۔ پر ہن ایہہ مک رہے نیں اتے ایس گھاٹے دی ہور دوجے کارناں وچوں ہک’’ ڈائے کلوفینک‘‘ نامی دوائی وی ہے ۔ ڈائے کلوفینک ایسی دوائی ہے جیہڑی مویشیاں نوں درداں وچ کمی لئی دیندے نیں۔ گدھ مردہ گائیاں یا بکریاں دا گوشت کھاندے نیں تے ایس دے نال ہی ایہہ دوائی انہاں دے جسم وچ داخل ہوکے انہاں نوں نقصان پہنچاندی ہے۔ ورلڈ وائلڈ لائف فنڈ پاکستان گدھاں نوں مکن توں بچان لئی کم کر رہیا ہے۔ پر ہن تک ایس نوں وڈی کامیابیاں نہیں مل سکیاں جس دی بنیادی وجہ اک عوامی سوچ وی ہے۔ گدھ بنیادی طور تے مردہ خور ہوندے نیں تے طویل عرصے تک گدھاں دا تعلق موت نال جوڑیاں جاندا رہیا ہے یا اینج کہو کہ گدھ موت دی علامت سمجھیا جاندا سی۔ گدھ اج وی نحوست، بد قسمتی تے موت دی علامت سمجھیا جاندا ہے تے ایسی لئی پاکستان وچ وی گدھاں دی نسل نوں خاتمے توں بچان لئی عوامی حمایتاں تے ہمدردیاں ملنا اوکھا جے۔ڈبلیو ڈبلیو ایف پاکستان دی فاطمہ عارف دے مطابق زیادہ تر لوک گدھ دے بارے وچ منفی رائے رکھدے نیں پر کوششاں جاری نیں کہ صورتحال بدل جائے۔ انہاں نے دسیا کہ اسی لوکاں نوں دسیندے ہاں کہ گدھ بارے وچ کیتی جان والی بہوں ساریاں گلانرا جھوٹ ہے، سگوں غلط کہانیاں نیں۔ گدھ شرمیلا پرندہ ہوندا ہے جو اپنے بچیاں دا بہوں خیال کردا ہے۔ لہور توں تقریباً 100 کلومیٹر دور چھانگا مانگا وچ قائم اک وسیع انکلوژر وچ اکثر سفید پشت تے گردن والے گدھ صبر نال بیٹھے کھانے دے منتظر نظر آندے نیں۔ انہاں دی خوراک گدھے یا فیر بکری دا گوشت ہوندا ہے۔ ایہہ گدھ زمین توں دس میٹر اوچائی تے درخت دے تنے تے بیٹھے نیں۔ انہاں گدھاں دے پراں دا پھیلاؤ دو میٹر جداں کہ وزن ست اعشاریہ پنج گرام تک ہوندا ہے۔ انگریزی روزنامے ایکسپریس ٹری بیون دی رپورٹ دے مطابق خصوصی طور تے بنائے گئے ایس انکلورژ وچ گدھ محفوظ نیں تے باہر دی صورتحال بہتر ہون تے ہی انہاں نوں ایس انکلورژ توں باہر کڈھیا جائے گا تاکہ انہاں دی زندگی محفوظ رہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels