Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> سافٹ سعودی بوتھا: 30 کڑوڑ ڈالر دا محل۔کرپشن مخالف سلمان دا

سافٹ سعودی بوتھا: 30 کڑوڑ ڈالر دا محل۔کرپشن مخالف سلمان دا

وچار ڈیسک
December 20th, 2017

فرانسیسی خبر رساں ایجنسی اے ایف پی دے مطابق نیویارک ٹائمز نے پیرس دے مغرب وچ واقع محل نوں دنیا دا مہنگا ترین گھر قرار دیندے ہوئے رپورٹ کیتا کہ اپنے ملک وچ کرپشن دے خلاف مہم چلان والے طاقتور ولی عہد دی غیر معمولی قیمتی خریداریاں دی اک وڈی لڑی ہے۔ نیو یارک ٹائمز دے مطابق نویں تعمیر ہون والے محل نوں 2015 وچ اک نامعلوم گاہک نے خریدیا سی تے ایس دے مالک دی شناخت نوں شیل کمپنیاں دے ذریعے خفیہ رکھیا گیا سی۔ ہن شاہی خاندان دے مشیراں نے تصدیقاں کیتیاں جے کہ محل دے خریدار محمد بن سلمان نیں۔ سعودی عرب دے حکام نے جولائی وچ سامنے آن والی اک رپورٹ تے ردعمل دین توں انکار کیتا سی جس وچ فرانس دی تحقیقاتی صحافت دی ویب سائٹ میڈیا پارٹ وچ نشاندہی کیتی گئی سی کہ شہزادہ محمد بن سلمان محل دے اصل خریدار نیں۔ فارچون میگزین نے 2015 وچ ایس محل دی فروخت دے وقت دسیا سی کہ محل دے فواریاں نوں آئی فون دے ذریعے کنٹرول کیتا جاسکدا ہے تے اپنے طرز تعمیر دے لحاظ توں ایہہ 17 ویں صدی دی عمارت وکھائی دیندی ہے۔ ایس وقت محل دی خریداری نوں دنیا دا سب توں مہنگا گھر قرار دتا گیا سی۔ اصل وچ عمارت نوں 19ویں صدی وچ تعمیر کیتا گیا سی پر سعودی عرب دی اک کمپنی نے ایس نوں خرید کے ٹھاہ دتا سی تے ایس دی تھاں نویں عمارت کھڑی کیتی سی۔ 57 ایکڑ اں تے مشتمل ایس محل وچ سینیما گھر، ڈیلکس سوئمنگ پول، فوارے، سرنگ تے پانی تھلے کمرہ ہے جس دی شیشے دی چھت توں پانی وچ تیردی رنگ برنگیاں مچھیاں توں لطف اندوز ہوسکدے نیں۔ نیویارک ٹائمز دے مطابق محل نوں ایٹ نویسٹمنٹ کمپنی دے ذریعے خریدیا گیا سی۔ چیتے رہے پئی ایسی کمپنی دے ذریعے 2015وچ کڑوڑ ڈالر دی اک لگثری کشتی وی خریدی گئی سی۔ ایس توں پہلے جاری مہینے ہی امریکی اخبار وال سٹریٹ جرنل دے مطابق اطالوی آرٹسٹ لیونارڈو ڈاونچی دی بنائی ہوئی دنیا دی مہنگی ترین پینٹنگ سلاوتور مندی دے خریدار وی سعودی ولی عہد شہزادہ محمد بن سلمان ہی نکلے سن۔ یاد رہے کہ پچھلے مہینے نیویارک وچ ہون والی نیلامی وچ 500 سال پرانی پینٹنگ 45 کڑوڑ ڈالر وچ فروخت ہوئی سی پر نیلامی وچ خریدن والے دا ناں دسیا ہی نہیں گیا سی۔



Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels