Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> اٹلی :مریض نوں مرن دا حق دین دا قنون منظور۔دنیا کتھے تے اساں فیض آباد

اٹلی :مریض نوں مرن دا حق دین دا قنون منظور۔دنیا کتھے تے اساں فیض آباد

وچار ڈیسک
December 16th, 2017

مہنگے ہسپتالاں وچ کتھے اک بیڈ یا کمرے دا کرایہ روز دا ہزاراں روپیے ہوندا جے۔تاں مارے اوتھے مریضاں نوں بل ودھان لئی کئی کئی دیہاڑ وینٹی لیٹراں تے پایا جاندا ہے کیونجے اج کل علاج خدمت نہیں کاروبار جے۔ایہہ نرا امیراں دا مسلہ نہیں سگوں جن اداریاں تے کمپنیاں دے کھاتے پرائیوٹ ہسپتالاں نال جڑے ہوندے نیں اوہ وی اینج کردے نیں اتے فیر عادت پئے جاندی ہے تاں ایہہ کھنڈی چھری عام لوکاں تے وی چلدی ہے۔تعلیم تے ہیلتھ نوں نجی کاروبار دی آڑاں وچ جداں دا ساڈے ملک وچ وی نرا پیسے نال جوڑ دتا گیا ہے اوس ویلے توں نویں نویں وادھو مسئلے سامنے آندے نیں۔ایس پاروں نویں نویں قنون بناون دی لوڑاں ودھ جاندیاں نیں۔پر ساڈے کول ہلے اجہے عوامی مفاداں دے کماں لئی وقت نہیں ہیگا۔ساڈے وڈے وڈے افسر اتے دانشور تے اینکر نما نویں گھمے جمہوریت توں اڈ کوئی ہور رستے لبھن وچ گواچے نیں۔تساں ہن اٹلی تون آئی خبر پڑھو۔
اٹلی دی کیتھولک حکومت نے چرچ دی مخالفت دے باوجود جمعرات نوں اک قنون دی منظوری دتی جو مریضاں نوں ایہہ اجازتاں دیندا ہے کہ اوہ زندگی وچ وادھاکرن والے علاج توں انکار کرسکدے نیں۔ چرچ دا کہنا ہے کہ ایہہ قنون خود کشی وچ مدد دین ورگا جے۔ اٹلی دی سینیٹ نے زندگی دی وصیتاں توں متعلق قنون دی منظوریاں دتیاں جو ایسے مریضاں نوں انکار دا حق دیندا ہے جو کدی نہ ختم ہون والی بماریاں وچ مبتلا ہوندے نیں یا خطرناک طور تے زخمی ہو چکے ہون۔ اٹلی دی طاقتور مذہبی قوت بشپ کانفرنس نے نویں قنون دی مذمتاں کردے ہوئے آکھیا ہے کہ ایس پاروں ڈاکٹراں نوں علاج دے حوالے نال انہاں دی ذمہ واریاں توں چھوٹ لبھ جا سی۔ ایس قنون نوں سجے بازو دی اعتدال پسند حکمران جماعت تے حکومت مخالف فائی سٹار موومنٹ دوناں دی حمایتاں سن۔ ایہہ قنون مریض نوں نہ صرف علاج سگوں خوراک تے پانی توں وی انکار دا حق دیندا ہے۔ پوپ فرانسس کہہ چکے نیں کہ مریض نوں تکلیف توں نجات دوان لئی مار دینا غلط ہے تے ڈاکٹراں نوں چاہیدا ہے کہ اوہ موت دے خلاف لاحاصل جنگ وچ مریض نوں بہت زیادہ دوائیاں نہ دین۔ اٹلی دے وزیراعظم پاؤلوجینٹی لونی نے ایس قنون سازی نوں انسانی وقار تے عزت نفس ولوں اک قدم قرار دیندے ہوئے ایہہ توقع ظاہر کیتی کہ مارچ وچ ہون والیاں عام چوناں وچ جان توں پہلے ایہہ انہاں دی حکومت ولوں آخری قنون سازی جے۔ زندگی دی وصیتاں اک ہور قسم دی قنونی دستاویزاں وچ رلتی ہوندیاں نیں۔ ایہہ قنون برطانیہ تے اسپین ورگے کئی وڈے یورپی ملکاں وچ چلدا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels