Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> اسلام آباد ہائیکورٹ: جسٹس شوکت صدیقی نے اینکر تے پابندیاں لادتیاں۔

اسلام آباد ہائیکورٹ: جسٹس شوکت صدیقی نے اینکر تے پابندیاں لادتیاں۔

وچار ڈیسک
December 14th, 2017

اسلام آباد ہائی کورٹ نے نفرتی گلاں تے اشتعالی ٹی وی پروگراماں پاروں نجی ٹی وی دے اینکر تے 10 جنوری تک کسی وی ٹی یا ریڈیو تے پروگرام دی اینکریاں کرن یا مجمان بن کے رلن تے پابندیاں لا دتیاں نیں۔ عدالت نے وفاق، پیمرا تے پی ٹی اے نوں وی نوٹس جاری کردے ہوئے اگلی پیشی تک جواب منگ لتا ہے۔ جداں پاکستان الیکٹرانک میڈیا ریگولیٹری اتھارٹی (پیمرا) نے عدالتی حکم پاروں سارے نجی ٹی وی چینلاں تے ایف ایم ریڈیو سٹیشناں نوں اینکر نوں کسی وی حیثیتاں وچ آن ایئر نہ لین دی ہدیتاں جاری کردتیاں۔ ریگولیٹر داحکم فوری طور تے اگلی پیشی 10 جنوری 2018 تک رہے گا۔ ٹی وی اینکر ڈاکٹر عامر لیاقت حسین تے تاحیات پابندی دے حوالے توں شہری محمد عباس دی درخاست دی پیشی وچ ایہہ حکم جسٹس شوکت عزیز صدیقی نے دتا۔ پیشی ویلے جسٹس شوکت عزیز صدیقی نے ریمارکس دتے کہ اک شخص اخلاقیات دا جنازہ کڈھ رہیا کیونجے ایس دے پچھے وڈے ادارے دے لوک سن؟ کفر دے فتوے لا کے واجب القتل آکھدا رہیا مگر کسی نے نہ پچھیا۔ایس نوں میر شکیل الرحمن سنے کسی وی بندے تے الزام لاون دا حق کس دتا ہے۔جداں گل ادارے تک گئی تے اینکر نوں فارغ کردتا گیا۔پی ٹی اے نوں ہدایتاں جاری کیتیاں کہ اینکر ولوں عدالتی حکم نامے توں متعلق کوئی وی مواد سوشل میڈیا تے وی وائرل نہ کیتا جائے۔ درخاست گزار دے مطابق ناں نہاد مذہبی اسکالر ہے جس دے کول اسلامی تعلیماں دی کوئی ڈگری نہیں۔ اوہ ٹی وی تے بیٹھ کے کفر تے غداری دے فتوے لاندا ہے جس توں کئی لوکاں دی زندگیاں نوں خطراے نیں۔ اینکر نے پیمرا آرڈیننس تے ضابطہ اخلاق دی خلاف ورزی کیتی۔ پر پیمرا اپنی ذمہ واری ادا کرن وچ ناکام رہیا۔ درخاست گزار دے وکیل نے استدعاکیتی کہ اینکر لئی پرنٹ تے الیکٹرانک میڈیا وچ آن تے پوری زندگیاں لئی پابندیاں لائی جاون تے پی ٹی اے نوں سوشل میڈیا تے اینکر دے سارے اکاؤنٹ بند کرن دا وی حکم دتا جائے۔ درخاست گزار محمد عباس نے اپنے وکیل شعیب رزاق دے ذریعے اپنی پٹیشن وچ مزید آکھیا ہے کہ عامر لیاقت حسین قرآنی آیتاں نوں مختلف شخصیتاں دے خلاف ورتدا ہے۔ اینکر ذہنی طور تے بمار تے جھوٹا ہے تے اپنی غیر اخلاقی تے غیر قنونی سرگرمیاں لئی سوشل میڈیا نوں استعمال کردا ہے۔ جبران ناصر نامی سماجی کارکن دے وکیل وی اینکر دے توہین رسالت دے الزاماں نے ایس دی زندگی نوں خطرے وچ پا دتا سی جس دے نتیجے وچ انسداد دہشت گردی عدالت وچ اک کرمنل شکایت درج کرائی گئی سی۔ ۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels