Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> کیانی، افتخار گٹھ جوڑ نواز نوں جتوایا۔چوہدری منظور پی پی پی۔اک کوڑجواز؟

کیانی، افتخار گٹھ جوڑ نواز نوں جتوایا۔چوہدری منظور پی پی پی۔اک کوڑجواز؟

وچار ڈیسک
December 14th, 2017

کل جیو دے اک ٹی وی پروگرام آپس کی بات وچ پی پی پی دے لیڈر چوہدری منظور اوہ گل کر دتی جس بارے تبصرے وادھو۔گل تازے سکرپٹ بارے ہو رہی سی جیہڑا فیض آباد توں ہن سینیٹ تیک اپڑچکیا ہے۔ایس دے جواب وچ چوہدری منظور ہوراں نویں گیم وچ پی پی پی دے کردار ول ہشیار اشارے آپ ہی کر دتے۔انہاں آکھیا پئی سکرپٹ تے چلدے ہی رہے نیں ملک پاکستان وچ، مطلب اساں کوئی نواں کم نہیں کر رہے۔ اتے فیر انہاں ایہہ آکھ دتا پئی2013وچ اوس ویلے دے آرمی چیف جنرل کیانی اتے اوس ویلے دے چیف جسٹس چوہدری افتخار نواز شریف نوں ہورے اک سکرپٹ دے راہیں اقتدار وچ لیائے سن۔کیہہ اوہ ایہہ من گئے نیں پئی اج کل انہاں لئی اجیہا بندوبست بناون دا ایجنڈا ہے؟ کیہہ جے کل کسی نے کوڑکم کیتا سی تے اج اوہ پی پی پی لئی ہک جواز بن سکدا ہے؟ اک زمانے تیک پی پی پی جمہوری تسلسل دی گل کردی رہی پر اج کل نویں دلیلاں دے زمانے نیں۔ پر دوجے پاسے پرویز مشرف دے انٹرویو مڑ چلانے شروع ہو گئے نیں۔اوہ کسے نویں سیٹ اپ راہیں آئین وچ بنیادی تبدیلیاں لیاون دی گل کر رہے نیں۔مشرف وی ضیا الحق وانگ نیشنل سیکورٹی کونسل بناون دی گل پہلے وی کردے رہے نیں۔اک پاسے ہر کوئی آکھ رہیا ہے پئی الیکشن ویلے سر ہون پر دوجے پاسے ایہہ آکھیا جا رہیا ہے پئی دبا ایڈا ودھے پئی حکومت اپنے آپ نویں چوناں دا سینیٹ دے چوناں توں پہلاں اعلان کر دے گی۔قومی اسمبلی دے سپیکر ایاز صادق وی کسے سازش بارے گل کر دتی ہے۔لوک سارے گلاں ویکھ رہے نیں پئی کون کیہہ آکھ رہیا ہے تے کس بارے دروٹیا ہویا جے۔میڈیاکیہہ کر رہیا ہے تے 28جولائی بعدوں کس نوں فیدہ ہویا اتے کس دا ایجنڈا پورا نہیں ہویا۔ایس انفارمیشن دے دور وچ ایس بارے لکویں گلاں کوئی نہیں۔ سینیٹ وچ جنج پی پی پی نے اوس بل تے یو ٹرن لتا جس نوں اوس نے قومی اسمبلی وچ پاس کیتا سی، اوہ اپنا مذاق آپ۔سینیٹ دی چوناں تیک ایہہ کھیڈ اینج ہی چلے گا؟ایس دا جواب وی جلد آ جائے گا۔جے پی پی پی کسے سکرپٹ تے چلدی پائی گئی تے اوس کول کسے پرانے سکرپٹ خلاف گل کرن دا جواز ہمش لئی مک جا سی جیہڑے5 جولائی توں اوس دے خلاف چلائے گئے سن۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels