Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> عدالت کس منہ نال مینوں نااہل کرے گی؟عمران خان

عدالت کس منہ نال مینوں نااہل کرے گی؟عمران خان

وچار ڈیسک
December 12th, 2017

جے عدالت نے میرے خلاف فیصلہ دے دتا اتے آکھیا کہ میں صادق تے امین نہیں تے میں پچھے رہ کے پارٹی دی مدد کراں گا۔ میں کوئی کرپشن نہیں کیتی۔جے کوئی غلط بیانی کیتی تے مینوں اوس نال کیہہ فیدہ ہویا۔اوہ کس منہ نال مینوں نا اہل کرن گے۔جے مینوں اقتدار ملیا تے میں ڈکٹیشن نہیں لاں گا کیونجے عوام میرے نال ہوئے گی۔میں کوئی کاروبار تے کرنا نہیں ایس لئی اپنی پالیسی چلاواں گا۔کیونجے اردگان دے مگر فوج سی تاں مارے اوس فوجی بغاوت نوں کچل دتا سی۔ٹرمپ دے بیان خلاف او آئی سی امریکہ نوں بہوں سخت پیغام دے۔پیپلز پارٹی نال انتخابی اکٹھ نہیں ہو سکدا کیونجے اوہ کرپٹ نیں تے اساں کرپشن خلاف۔صادق خان ٹھیک آکھدا ہے۔ زیک دے پروموٹراں نے مسلماناں خلاف گلاں کیتیاں سن۔مینوں پتہ ہوندا تاں زیک دی مہم وچ رلتی نہ ہوندا۔زیک گولڈ سمتھ اپنے پیوجیمس گولڈ سمتھ وانگ ایماندار بندہ ہے تے میں اوسنوں نکے ہوندے توں جاندا ہاں۔ایہہ اوہ مختلف تے الٹ گلاں جیہڑیاں عمران خان نے کل دنیا ٹی وی تے کامران شاہد نال انٹرویو وچ کیتیاں۔صادق خان خلاف مہم دا حصہ بنن تے انہاں اپنی غلطی بڑی ہشیاری نال من تے لتی پر نال نال اپنے سابقہ سالے زیک دی طرفداریاں وی کردے رہے۔کامران ہوری انہاں کولوں ایہہ نہیں پچھ سکے کہ اوہ تے وراثتی تے خاندانی سیاستاں دے خلاف نیں پر سالے نوں لندنی مئیر بناون ٹر گئے۔جداں عمران خان زیک دی الیکشن مہم وچ گئے سن تے صادق خلاف اینٹی مسلم مہماں پاروں زیک دے کیمپ ولوں لائے الزاماں بارے پورے میڈیا وچ گلاں ہو رہیاں سن۔ہن ڈیڑھ سال بعد انہاں نے پہلی وار اوس ویلے اپنی غلطی من لتی جداں پچھلے دناں صادق خان پاکستان آ کے سب نوں ایس بارے دسیا۔ پر عمران اپنے سابقہ خاندان دی عظمتاں دے اج وی پرستار نیں۔ جیمس گولڈ سمتھ دا پیو ہک جرمن یہودی سی پر برطانیہ آ کے ایس خاندان اپنا جرمن ناں تک بدل لتا سی کیونجے پچھلی صدی دے پہلے دہاکے وچ برطانیہ نے جرمنی نوں دشمن قرار دتا سی اتے جرمن پچھوکڑ دے لوکاں نوں ناں بدلن دا حکم دتا سی۔جیمس گولڈ سمتھ نوں انہاں دی شادیاں تے راکھیلاں پاروں جانیا جاندا ہے۔جمائما تے زیک انہاں دی ہک راکھیل توں سن جس نال جیمس گولڈ سمتھ تریجی شادی کیتی سی۔برٹش میڈیا وچ تے جیمس دے لیڈی ڈیانا دی ماں نال تعلق بارے وی وادھو خبراں۔ایس توں اڈ جیمس گولڈ سمتھ اک ناکام سیاستدان وی نیں۔امیر پیو دے امیر منڈے زیک بارے صادق آکھیا سی پئی ایس نے اج تک جیہڑا ویکم کیتا ہے اوہ توڑ نہ چڑھ سکیا۔کامران ہوراں انہاں توں سوال کیتا کہ کیہہ تسی عدالتی فیصلہ خلاف آون تے سیاست چھڈ دیو گے تے عمران آکھیا کہ میں باہر رہ کے پارٹی دی مدد کراں گا۔ نواز نوں تے اوہ آکھدے نیں کہ اوہ سیاست ہی چھڈ دے پر آپ گارڈ فادر وانگ باہر رہ کے پارٹی چلاون لئی تیار نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels