Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> یمن دی کوڑ جنگ سعودی عرب، امارات تے ایران نوں کجھ نہیں دے سکدی۔ اقوام متحدہ

یمن دی کوڑ جنگ سعودی عرب، امارات تے ایران نوں کجھ نہیں دے سکدی۔ اقوام متحدہ

وچار ڈیسک
December 11th, 2017

بیت المقدس دے مسلہ تے سپورٹ نہ کرن بعدوں امریکہ نوں یمن دی انسانی ہلاکتاں یاد آگیاں اتے اوس سعودی عرب نوں ڈکن لئی بیان وی دے دتا۔پر وڈا سوال تے ایہہ ہے پئی اقوام متحدہ انہاں پردھان ملکاں نوں وی پچھے جنہاں ایس جھیڑے وچ سعودی عرب نوں اسلحہ وغیرہ ویچیا۔اقوام متحدہ دے سیکرٹری جنرل نے اتوار نوں یمن وچ جنگ دے خاتمے دی امید ظاہر کیتی ہے تے آکھیا ہے کہ امریکہ سعودی عرب تے دباؤ پائے گا کہ یمن دے محاصرے پاروں پیدا ہون والے بحراناں تے قابو پایا جاسکے گا۔ امریکی ٹی وی چینل سی این این نوں انٹر ویو دیندے ہوئے اقوام متحدہ دے سیکرٹری جنرل اینتونیوگوتریز نے آکھیا میں سمجھدا ہاں کہ ایہہ کوڑ جنگ ہے۔ میرے خیال وچ ایہہ جنگ سعودی عرب تے امارات دے مفاداں دے خلاف ہے تے یمن دے لوکاں دے وی۔ انہاں نے مزید آکھیا کہ جتھوں تک ایران دا تعلق ہے یمن دی جنگ ایران دے فیدے وچ وی نہیں ہے کیونجے یمن ایران توں بہت دور ہے جس دے ذریعے ایران خطے وچ اپنا بھار ودھاناچاہندا ہے۔ سانوں سیاسی حل کڈھن دی لوڑ ہے۔ انہاں نے آکھیا کہ امریکی دباؤ دے بعد سعود عرب نے یمن دے محاصرے وچ کمی کیتی ہے جس دے باعث مدد یمن پہنچ سکی ہے تے اوتھے حالات بہتر ہوئے نیں۔ مینوں امید ہے کہ صدر ٹرمپ نے سعودی عرب تے شدید دباؤ پایا ہے تانجے زیادہ توں زیادہ مدد یمن دے لوکاں تک اپڑ سکے۔ حالیہ دناں وچ کافی مدد یمن پہنچی ہے۔ انہاں نے مزید آکھیا کہ انہاں دے خیال وچ یمن وچ جنگ پاروں یمنی عوام نوں بہوں اوکڑاں دا سامنا کرنا پئے رہیا ہے تے نال نال سعودی عرب تے امارات نوں وی نقصان ہورہیا ہے۔ ایہہ سب لئی بہتر ہے کہ جنگ روک دتی جائے۔ اقوام متحدہ دے اندازے دے مطابق عرب دنیا دے سب توں غریب ملک وچ 70 لکھ لوکاں نوں قحط دا سامنا ہے جداں کہ ایتھے خشک سالی نہیں ہے۔ یمن نوں جس صورتحال دا سامنا ہے اوہ کوئی قدرتی عمل نہیں سگوں سیاسی ناکامی ہے۔ ایس نوں سیاسی قحط دا سامنا ہے۔ جنگ توں پہلے وی یمن وچ 90 فیصدخوراکاں باہروں آندیاں سن۔ کسی وی قوم دی ترقی دا بوتھا تے اوتھے دی بندر گاواں ، سڑکاں دے جال تے فضائی پابندیاں توں آزاد فضا تے ہوندا ہے۔ حالیہ لڑائیاں پاروں ایہہ تِنوں رستے بند نیں۔ یمن وچ حوثیاں دے خلاف اتحاد دی سربراہی کرن والا سعودی عرب کڑوڑاں انساناں دی زندگیاں نوں تنگ کر چھڈیا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels