Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> افغانستان: داعش دا نواں ٹھکانہ ۔روسی میڈیا۔ایران تے پاکستان کیہہ کرن گے؟

افغانستان: داعش دا نواں ٹھکانہ ۔روسی میڈیا۔ایران تے پاکستان کیہہ کرن گے؟

وچار ڈیسک
December 11th, 2017

ات گردیاں دے عالمی گھمے وادھو پئی ہن عراق تے شام وچ دولت اسلامیہ یعنی داعش دی شکستاں بعدوں داعش دے عالمی سہولت کار افغانستان وچ ایس نوں تگڑا کرن گے کیونجے اجہے کماں لئی ٹٹ بھج دا شکارافغانستان اک ودھیا تھاں ہے۔دہاکیاں توں افغانستان نوں عالمی طاقتاں اجہے ٹیچیاں لئی ورت رہیاں نیں۔ ایہہ گلاں روسی میڈیا آر ٹی والیاں عالمی سیاستاں دے روسی ماہر نکیتا مینڈکو وچ دے حوالیاں نال چھاپاں نیں۔شام دے حوالے نال داعش دے مکن دی گل تے پہلے توں ہی ہو رہی سی پر کل عراقی وزیراعظم وی ایس دا اعلان کر دتا ہے پئی عراق وچ داعش مک گئی ہے۔روسی ماہر ایس اعلان نوں ات گرداں لئی سندیسہ تے نہیں اکھدے پر انہاں دا گیان ہورے روسی انٹیلیجنس پاروں ایہو ہے پئی ہن داعش نوں افغانستان وچ تگڑا کرن دا ویلہ نیڑے ہے۔ایس پاروں ایران، پاکستان تے افغانستان وچ دھرمی لڑائیاں وی تگڑی ہون گیاں۔ پاکستان وچ پاپولر سیاستداناں نوں تازہ تازہ جس فیض آباد دھرنے پاروں ڈرایا گیا ہے کتھے ایہہ داعش ایجنڈے دا ہشیار گھما ہی نہ ہوئے۔کجھ وی ہوئے پاکستان، ایران تے افغانستان وچ اک وار فیر امن تے رواداریاں دے سیوک اتے جنگ مخالفاں نوں پردھان مورچے لاون دی لوڑ ہے جس وچ سب رلتی ہون۔روسی ماہر دا آکھنا ہے پئی دوعش آپدے ٹھکانے پاک افغان اتے ایران افغان باڈراں دے نیڑے بنائے گی۔داعش ایس کم لئی افغان مہاجراں نوں ورتے گی جو ہمیش توں اک سافٹ گھما ہوندا ہے۔کیونجے شام تے عراق وچ داعش والے تیل توں فنڈ اکٹھا کرن توں ڈک دتے گئے نیں تاں مارے اوہ ہن افغانستان دی شمالی تھاواں تے بیٹھ کے ہیروئن تے سمگلنگ توں کماون والی دولت نوں ورتن گے۔خبر وچ اے ایف پی دی اوس رپورٹ نوں وی رلتی کیتا گیا ہے جس وچ دسیا گیا ہے پئی نومبر وچ200ات گرد شام توں افغانستان دے صوبے جوزجان اپڑ چکے نیں جیہڑا مزار شریف دے نال ہے۔ماہر دا آکھنا ہے پئی ایہہ گروپ سمگلنگ تے آزادی دی لہراں نوں وی وردے نیں تے دھرمی تے فرقہ وارانہ بیانیاں نوں وی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels