Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> بیت المقدس تے سعودی فوجی اتحاد:اتحاد اپنی پوزیشن دسے۔سراج الحق دی بڑکاں

بیت المقدس تے سعودی فوجی اتحاد:اتحاد اپنی پوزیشن دسے۔سراج الحق دی بڑکاں

وچار ڈیسک
December 11th, 2017

سعودی عرب نے چالیہہ نکے وڈے ملکاں دا اک فوجی اتحاد بنایا ہے اتے ہن عرب لیگ نے وی ٹرمپ دے فیصلے خلاف قرارداد پاس کیتی ہے تے ایہہ آواز چکی جا رہی ہے پئی سعودی فوجی اتحاد کس مرض دی دوا ہے؟اتحاد بناون والے امریکہ دے نہیں سگوں ایران دے خلاف نیں۔ پر جماعت اسلامی دے امیر ہن آکھ رہے نیں پئی سعودی فوجی اتحاد بیت المقدس نوں دارلحکومت بناون دے ٹرمپی فیصلے بارے اپنی پوزیشن دسے۔ٹرمپ اسلامی دنیا خلاف کھلی جنگ کر دتی ہے۔ ہن اتحاد دسے پئی اوس دی کیہہ پوزیشن ہے؟ اساں سترہ دسمبر نوں کراچی وچ ملین مارچ کراں گے۔انہاں سعودی فوجی اتحاد دے پردھان جنرل(ر) راحیل شریف دا ناں نہیں لتا پر اتحاد توں ایہہ پچھیا پئی اوہ ٹرمپ خلاف کیہہ کرے گا؟دوجے پاسے ایرانی صدر حسن روحانی سعودی عرب نوں آکھیا ہے پئی اوہ اسرائیل نال سانگے نہ بنائے اتے یمن وچوں نکل جائے۔ایہو نہیں سگوں فلسطینی صدر دے بیان وانگ ہن مصر دی الازہر یونیورسٹی اتے پردھان مصری چرچ وی امریکہ دے نائب صدر مائیک پینس نوں آکھیا ہے کہ اوس نوں مصر دے دورے تے جی آیا نوں نہیں آکھیا جائے گا۔ سراج الحق دی بڑکاں وادھو نیں کیونجے سعودی فوجی اتحاد وچ ایران، شام،یمن ورگے مسلمان ملک رلتی ہی نہیں۔سراج الحق کراچی وچ اک اکٹھ نال گل بات کردے ہوئے ایہہ بڑکاں لائیاں۔اج تے اسلامی تعاون تنظیم دا کٹھ وی ایسے سلسلہ بارے ہو رہیا ہے ۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels