Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> چینی صدر دی آنگ سان سوچی نال گل بات۔مغربی ایجنڈے نوں کوئی لفٹ نہیں

چینی صدر دی آنگ سان سوچی نال گل بات۔مغربی ایجنڈے نوں کوئی لفٹ نہیں

وچار ڈیسک
December 6th, 2017

جیہڑے اج سوچی توں ایوارڈ واپس لے رہے نیں کیہہ انہاں اسرائیلی وزیراعظم بیگن توں صابرہ، شتیلا دے قتل عام بعدوں نوبل ایوارڈ واپس لتا سی؟ کشمیر تے در وٹی رکھن والیاں نوں چار فیصدی روہنگیاں نال پیار کس ایجنڈے پاروں ہے، چین نوں ایس سب دی خبر۔چین دے صدر شی جن پنگ تے میانمار دی رہنما آنگ سان سوچی نے سانجھے مفاداں پاروں تگڑے سانگیاں بارے کھل کے گل بات کیتی۔ چین دے خبر رساں ادارے دے مطابق بیجنگ وچ چینی کمیونسٹ پارٹی ولوں سیاسی جماعتاں دی کانفرنس دے موقع تے دونوں رہنماواں مغربی میڈیا دے پھیلائے ایجنڈیاں نوں لفٹ نی کرائی۔ ملاقات وچ صدر شی نے دونوں ملکاں دے درمیان اک اقتصادی راہداری تے کم تیز کرن تے زور دتا۔ چیتے رہے پئی سی پیک وانگ چین توں برما اتے فیر خلیج (گھاٹ) بنگال توں مڈل ایسٹ تے افریقہ ول جاندے ایس تجارتی رستے نوں چین دے ون بیلٹ ون روڈ منصوبے دا حصہ بنایا ہویا ہے جس پاروں ایشیا تے یورپ نوں جوڑدے ہوئے اک وڈی اقتصادی پٹی بنائی جائے گی۔ایس توں ہی اندازہ لایا جا سکدا ہے پئی مغرب نوں راتوں رات چار فیصدی روہنگیاں نال کیوں پیار ہو گیا ہے۔پاکستان وچ وی اک لابی ایسے مغربی پراپیگنڈے پاروں چین مخالفتاں نوں ودھاندی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels