Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پنجابی ہندو خاندان دے سپوت ششی کپور پورے ہو گئے

پنجابی ہندو خاندان دے سپوت ششی کپور پورے ہو گئے

وچار ڈیسک
December 4th, 2017

ترے مہینے بعدوں اوہ 80ورہیاں دا ہون والا سی کہ18مارچ 1938وچ اوہ جمیا سی۔اوس نکی عمرے ہی فلماں وچ کم شروع کر دتا سی اتے آگ(1948)، سنگرام(1950)، آوارہ( 1951)تے دانہ پانی(1953) وچ بچونگڑے آرٹسٹ وانگ کم کیتا۔اوس دا گھر دا ناں بلبیر راج کپور سی اتے ششی کپور بنن توں پہلاں اوہ ششی راج آکھوایا۔ڈان باسکو ہائی سکول بمبئی توں پڑھیا ششی ہند سندھ وچ پسند کیتا جاندا سی۔ اوہ پرتھوی راج کپور دا سب توں نکا بال سی جس نوں ایس پنجابی ہندو کاندان بڑے مان نال پالیا سی۔ہلے کجھ دیہاڑ پہلاں ایس دے بھتریجے رشی کپور آکھیا سی پئی میں ہن 65ورہیاں دا ہاں اتے مرن توں پہلاں پاکستان جانا چاہندا جے۔میں چاہندا ہاں پئی آپدے بچیاں نوں اپنے وڈکیاں اتے پرکھاں دی جنمی تھاواں وکھا دواں۔ایس خاندان نوں اپنا پچھوکڑ یاد ہے۔انہاں دے پرکھاں دی تھاواں لیل پور عرف فیصل آباد دے نیڑے سمندری دے نال نال پشور وچ نیں۔پشور ہمش توں ہک پنجابی شہر سی اتے اج وی مونسپل کارپوریشن اتے ضلع کونسل وچ ہندکو لہجے وچ پنجابی بولن والیان دی گنتری وادھو۔ کپور خاندان سمندری توں پشور آیا سی کیونجے شی کپور دے داداے اتے ششی دے پیو پرتھوی راج کپور دا پیو بشیشوار ناتھ کپور ہک پلس افسر سی اتے انڈین امپیریل پلس ولوں پشور نوکری کردا رہیا سی۔جداں کہ بشیش ہوراں دا ابّا سمندری وچ تحصیلدار سی۔1906نومبر دی تن تریخ نوں سمندری جمیا،پرتھوی راج کپور اوہ پنجابی جیہڑا انڈین تھیٹر دا نیہہ پتھر رکھن والیاں وچ رلتی سی۔اوہ لیل پور تے پشور توں تھیٹر کرداخموش فلماں توں ہوندا ہویا بمبئی وچ چھا چھو گیا اتے کپورخاندان ہندوستانی سنیما دے پردھان بن گئے۔1947تیک کپور خاندان دا پشور وچ گھر سی جیہڑا بشیش ہوراں 1922دے نیڑے بنایا سی۔ ششی ہوری لمیرے چر توں بمار سن۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels