Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> امریکہ بیت المقدس نوں اسرائیل دا دارالحکومت تسلیم کرن توں مڑے،جھیڑے ودھ سن۔مشیرصدر فلسطین حباش

امریکہ بیت المقدس نوں اسرائیل دا دارالحکومت تسلیم کرن توں مڑے،جھیڑے ودھ سن۔مشیرصدر فلسطین حباش

وچار ڈیسک
December 4th, 2017

ایہہ اینج ہی جنج بھارت کل نوں سری نگر وچ اپنا دارلحکومت بناون دا اعلان کردے۔جھیڑیاں والی تھاواں نوں ہشیار پالیسیاں راہیں جے قابو کرن دی کوششاں ہون گیاں تے ہر کوئی ایہو کرے گا۔ پاکستان وچ اج امریکی دفاعی وزیر آ رہیا ہے اتے ویکھنا ایہہ ہے کیہہ پاکستان، سعودی عرب وانگ ایس کوڑ مسلے تے در وٹی رکھے گا؟ مڈل ایسٹ دی لڑائی وچ رلتی کردار اپنی اپنی صفاں سدھیاں کر رہے نیں۔ ہن کون کس نال، کس صف وچ کھلوئے گا۔ سعودی عرب وچ کرپشن دے نویں گھمے دے ڈانڈے وی ایس نویں پالیسی نال ملدے نیں پئی ہر اوہ بندہ جیہڑا سعودی اسرائیلی اتے امریکی بندوبست دا مخالف ہے اوس تے الزام وادھو لگن گے۔ایس وچ اوہ غیر عرب وی رلتی ہون گے جیہڑے کدی سعودیاں دے سجن سن پر ہن ایران تے قطر مخالف مہماں وچ سعودی لین نوں نہیں منیندے۔کرپشن دے ایس گھمے وچ اک ایسے شیخ نوں وی پھڑیا ہے جس افریقہ وچ لمیری رقماں لائیاں سن اتے چین نال وی حصہ داری بنائی سی۔ہر کوئی ویکھ رہیا ہے پئی سعودی عرب دا کرپشن دا گھما، پاکستانی پانامہ وانگ اقامہ تے ہی مکے گا اتے جیہڑا جیہڑا مندا جائے گا اوس نوں کلیرنس مل جا سی۔
فلسطینیاں نے امریکہ توں بیت المقدس(یروشلم) نوں اسرائیل دا دارالحکومت تسلیم نہ کرن تے زور دتا ہے۔ فلسطینی صدر محمود عباس دے مشیر محمود حباش نے ہفتہ نوں آکھیا کہ جے صدر ڈونلڈ ٹرمپ نے اینج کیتا تے امن دی امیداں مک جا سن۔ عباس دی موجودگی وچ گل بات کردے ہوئے حباش نے آکھیا کہ بیت المقدس دی حیثیتاں وچ کسی وی تبدیلی دی صورت وچ دنیا نوں ایس کوڑ کم دی قیمت ادا کرنی پئے گی۔ واشگٹن وچ عہدیداراں دا کہنا ہے کہ ٹرمپ یروشلم نوں اسرائیل دے دارالحکومت دی طور تے تسلیم کرن تے ایس لئی غور کررہے نیں تانجے اپنی صدارتی چوناں دے دوران انہاں امریکی سفارت خانے نوں اوتھے منتقل کرن دا کوڑ اعلان کیتا سی۔ ڈونلڈ ٹرمپ نے اپنی صدارتی مہم دے دوران وعدہ کیتا سی کہ اوہ صدر بنن دے بعد تل ابیب وچ قائم امریکی سفارت خانے نوں بیت المقدس( یروشلم) منتقل کردین گے۔ اسرائیل یروشلم نوں اپنا دارالحکومت قرار دیندا ہے تے قوم متحدہ سمیت تقریباً ساری دنیا ایہہ کہندے ہوئے ایس موقف نوں مسترد کردی ہے کہ ایس دی حیثیت فلسطینیاں دے نال امن گل بات وچ طے ہونی چاہیدی ہے۔ فسطینی وی بیت المقدس دے مشرقی حصے نوں اپنا مستقبل دا دارالحکومت قرار دیندے نیں۔ ایہو گل ہن ترکی دے صدر اردگان وی آکھی ہے اتے امریکہ نوں نواں پنگا لین توں باز رہن دا آکھیا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels