Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> ہک ہور دھچکہ:سعودی عرب نوں اسلحہ ویچننا بند کرو۔یورپی یونین قرارداد

ہک ہور دھچکہ:سعودی عرب نوں اسلحہ ویچننا بند کرو۔یورپی یونین قرارداد

وچار ڈیسک
December 2nd, 2017

یورپی یونین دی پارلیمنٹ ہک نویں قرارداد پاروں ممبر ملکاں نوں آکھیا ہے پئی سعودی عرب تے اسلحہ ویچن توں باز آون کیونجے سعودی عرب یمن وچ دو کڑوڑ انساناں دی زندگیاں نال کھیڈ رہیا ہے۔ سعودی عرب اج کل اپنا ’’نرم‘‘ بوتھا دنیا نوں وکھاون تے لمیری رقماں خرچ رہیا ہے پر یورپی پارلیمنٹ وچ اوس دے خلاف جیہڑی قرارداد آئی اوس دی مخالفت وچ نرے 13ووٹ آئے۔پورے539ووٹاں نال ایہہ قرارداد پاس ہوئی جیہڑا ایس دا ثبوت پئی اج سعودی عرب کڈھا اکلا ہو رہیا ہے۔جداں دا یمنی جھیڑا کھڑا ہویا ہے نرے برطانیہ نے پچھلے سالاں دے مقابلے وچ500گنا ودھ اسلحہ سعودی عرب نوں ویچیا ہے جس وچ بم تے میزائل رلتی نیں۔ایہہ خبر سعودی اتحاد دی مکھ وکھالی دے بعدوں آئی ہے۔سعودی عرب اک ہار چکی جنگ لڑ رہیا ہے اتے اوس دے اندرونی جھیڑے وادھو نیں۔یورپی پارلیمنٹ وچ دتی اک رپورٹ پاروں دسیا گیا ہے پئی دو سالاں وچ برطانیہ سعودی عرب نوں اٹھ ارب ڈالر(اٹھ کھرب توں وادھو) دا اسلحہ ویچیا ہے۔امریکہ ایس توں وی زیادہ مال کمایا ہے اتے جرمنی تے فرانس وی گھٹ نہیں۔جداں پچھلے دناں سعودی پادشاہ ماسکو اپڑے تے روس نال اسلحہ دی ڈیل دا اعلان وی ہویا سی۔یورپی پارلیمنٹ دا کہنا ہے پئی سعودی عرب ایس اسلحہ نوں یمن وچ ورت رہیا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels