Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> عمران، ترین نا اہلیاں:فیصلہ محفوظ۔کنفیوژن جاری

عمران، ترین نا اہلیاں:فیصلہ محفوظ۔کنفیوژن جاری

وچار ڈیسک
November 14th, 2017

جڈی دیر فیصلہ نہیں آئے گا ،تبصرے وادھو۔خان ہوراں دے میڈیائی سجن چاہندے نیں فیصلہ آئے ہی ناں۔جیہڑے کل تیک نواز خلاف گیلانی کیس دا حوالہ ورتدے سن اوہ ہن عمران، ترین نااہلیاں دے کیس وچ نواز دا حوالہ بھل جانا چاہندے نیں۔زور ہر پاسیوں لگ رہیا ہے اتے کنفیوژن وادھو۔صادق تے امین دا گھما خان تے ترین تے چلے گا یا نہیں ایس بارے فیصلہ آون تے ہی پتہ چلے گا۔اینج جاپدا ہے خان ہوری ڈاڈھے پریشان نیں اتے ترین وی کہ فیصلے توں پہلاں ات گردی کیس وچ دو سالاں بعد حاضریاں دو قدم پچھے ہٹن دا نسخہ ہے ہورے۔سٹیبلشمنٹ کیہہ سوچ رہی ہے ایس بارے وی چانن ہو جا سی۔فیصلہ کجھ وی آئے سیاستاں وچ ہل چل ودھے گی۔28جولائی دے فیصلے بعدوں جو کجھ ملک پاکستان وچ ہو رہیا ہے اوس نوں تریخ وچ چنگے حرفاں نال یاد نہیں رکھیا جائے گا اتے ایس دا اندازہ سب نوں ہے۔سیاست نوں نہ تے کوئی اج تیک ڈک سکیا ہے نہ اگے کدی ایہہ ہوسکدا ہے۔ جنج پانی اپنا رستہ بنا ہی لیندا ہے اینج سیاست اپنا رستہ ہیمش بنا لیندی ہے۔پاکستان دے پردھان ادارے اپنیاں غلطیاں منن یا نہ منن پر جو کجھ ملک بھگت رہیا ہے اوس وچ ڈھیر حصہ انہاں پردھان اداریاں دا ہی ہے۔وکیلاں دی لہر بار تے بینچ دے بارے غلطیاں منن دا جیہڑا تاثر بنان دا آہر کیتا سی اوہ داخل دفتر ہو چکیا ہے۔صاف نظر آرہیا ہے پئی سینیٹ دی چوناں توں پہلاں کجھ نہ کجھ کرنا لوڑی دا ہے۔جوکجھ کراچی ہویا اتے ستار،کمال ڈرامہ رچایا گیا اوہ ایس تاثر نوں تگڑا کرن لئی کافی ہے۔جے ادارے سیاسی جماعتاں دی لڑائیاں وچ حصہ دار نظر آون گے تاں کہانی سدھرن ول نہیں ودھ سکدی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels