Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> ایم ایم اے بحال۔لبیک،ملی لیگ دا پٹھا اثر۔مذہبی پارٹیاں رل گیاں

ایم ایم اے بحال۔لبیک،ملی لیگ دا پٹھا اثر۔مذہبی پارٹیاں رل گیاں

وچار ڈیسک
November 10th, 2017

نویں پارٹیاں کس کیوں کھڑی کیتیاں ایس بارے این اے 120 اتے این اے چار توں بحثاں جاری کہ انہاں نویں کھڈاریاں توں پاپولر سیاسی جماعتاں نوں ڈرانا سی پر ایس توں پرانی مذہبی جماعتاں چوکنا ہو گیاں اتے انہاں ایم ایم اے نوں مڑ چالو کرن دا اعلان کر دتا۔ایجنڈا کسے ہور کم لئی شروع ہوندا ہے پر اوس دا بوتھا ہور دا ہور بن جاندا ہے کہ پاکستانی سیاستاں وچ ایس دی مثالاں وادھو۔جے ایم ایم اے کھڑی ہو گئی تے نویں کھڈاریاں نوں یا تے ایس دا حصہ بننا پئے گا یا اوہ فارغ ہو جان گیاں۔ ویسے وی ہن 2018دی چوناں لئی انہاں آپدا بھار ودھانا ہے۔ تاں مارے چھ دینی جماعتاں دے سربراہی اکٹھ وچ متحدہ مجلس عمل دی بحالی دا اصولی فیصلہ کرلتا ۔ سراج الحق دی قیادت وچ اجلاس ہویا جس وچ مولانا فضل الرحمن، ساجد میر، اویس نورانی، مولانا عبدالرؤف فاروقی، علامہ عارف واحدی، پیراعجاز ہاشمی، لیاقت بلوچ، مولانا یوسف شاہ، اکرم درانی، مولانا عبدالغفور حیدری، ڈاکٹر فرید احمد پراچہ، محمد اصغر تے دوجیاں نے رلت کیتی۔ سانجھی پریس کانفرنس نال خطاب کردے ہوئے سراج الحق نے آکھیا کہ متحدہ مجلس عمل دی بحالی دا اصولی فیصلہ ہوچکیا ہے جس تے اسی اللہ دا شکر ادا کردے ہاں۔آئین دے مطابق بروقت انتخابات کروائے جان۔ مولانا فضل الرحمن نے آکھیا کہ متحدہ مجلس عمل دی سابقہ سٹیرنگ کمیٹی دی تجاویز نوں من وعن تسلیم کردے ہوئے اسی متحدہ مجلس عمل دی بحالی دا اصولی فیصلہ کیتاہے۔ سٹیرنگ کمیٹی دستور تے منشور دے مطابق آئندہ وی جو تجاویز تے سفارشاں پیش کرے گی انہاں تے عمل درآمد کیتا جائے گا۔ انہاں تجویزاں تے سفارشاں دی بنیاد تے حتمی اجلاس دسمبر وچ کراچی وچ اویس نورانی دی میزبانی وچ ہوئے گا ۔ایہہ فیصلہ وی ہویا پئی جماعت اسلامی کے پی کے توں اتے فصل الرحمن مرکزی سرکار توں وکھ ہو جائے گی۔ کیہہ پی ٹی آئی جماعت اسلامی دے وکھ ہون بعدوں حکومت توں کڈ دتی جائے گی؟ نویں مذہبی جماعتاں کھڑی کرن نال ایڈا پواڑا کہ سہولت کاراں ایس بارے سوچیا ہی نہیں سی۔جنہاں نوں ڈرانا سی اوہ تے ڈرے نہیں پر دوجیاں نوں کن ہو گئے کہ جے انہاں بوتلاں چوں جن نکل آئے تاں پرانی مذہبی جماعتاں نوں نقصان ہوئے گا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels