Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> 12۔اکتوبر اک ہور دیہاڑ جداں سٹیبلشمنٹ باہرلیاں نوں خش اتے آپدا الو سدھا کیتا

12۔اکتوبر اک ہور دیہاڑ جداں سٹیبلشمنٹ باہرلیاں نوں خش اتے آپدا الو سدھا کیتا

وچار ڈیسک
October 12th, 2017

پاکستان وچ آون والے چاراں ڈکٹیٹراں وڈی طاقتاں دے مفاداں نوں پورے کردے ہوئے اپنے کوڑ مفاداں نوں وی پورا کیتا۔ایہہ اوہ سچ جیہڑا اج وی ٹھیک ہے تے کل وی سی۔یو۔ٹو جہازاں توں لے کے مشرف دور وچ اڈے دین تیک ایوب، یحی،ضیا تے مشرف سچا سودا نہیں کیتا اتے دوجے پاسے پارلیمنٹ سنے ہر ادارے نوں تباہ کیتا۔ایہہ کہانی اج وی پاکستان وچ لکھی نہیں گئی کہ انہاں چار آمریتاں وچ جیہڑے سودے ہوئے،قرضیاں دا انبار لایا گیا اوس پاکستان نوں باہرلیاں دا محتاج کیتا۔پارلیمنٹ نوں اک کمیٹی بنا کے ایس بارے بھرنویں کھوج سامنے لیانی لوڑی دی ہے تانجے سب ڈکٹیٹراں دی کرتوتاں دے جانو ہون۔دہریہ روس نال ، خدا پرست امریکہ تے برطانیہ نال رل کے جس دھرمی لڑائی وچ سب نے مال کھادا اوہی اج ساڈے گل پیا ہویا ہے۔جنہاں معاشی ترقیاں دی جھوٹے دعوے ایہہ آمر کردے رہے اوہ ادھار دی رقماں تے مجرا ویکھن وانگ سی۔پاکستان نوں قرضیاں وچ کس پھسایا،ایہہ سب جاندے نیں پئی پاکستانی بجٹ دا وڈا حصہ دفاعی خرچیاں تے باہرلیاں دت قرضیاں تے لگدا ہے۔جد تیک ایہہ گلاں نویں بیانیے وچ نہیں ہون گیاں اتے سول ملٹری بیوروکریسی اتے عدالتاں ڈکٹیٹراں دی حمائیتاں کرن نوں اک غلطی نہیں منیندے تد تیک گل اگے نہیں ودھے گی۔بڑی حد تیک سیاسی لیڈر اپنی غلطیاں نوں من چکے نیں اتے ہن اداریاں نوں وی ایہہ کم کرنا چاہیدا ہے۔تکبر تے تعصباں پاروں مسلہ حل نہیں ہوئے گا۔ایہو بارہ اکتوبر دا سبق وی ہے، 5جولائی1977دا وی اتے ایوبی تے یحی دور وچ لگن والے غیر آئینی کماں توں وی ایہو سمجھیا جا سکداہے۔سوال یہہ نہیں پئی کسے نے غداری کیتی یا نہیں پر انہاں حرکتاں اتے پالیسیاں توں پاکستان نوں بہوں نقصان پہنچیا۔ہن نواز شریف تے فرد جرم لا کے اوہی غلطی کیتی جا رہی ہے اتے ایہہ گل ثابت ہوندی ہے پئی ادارے آپدی غلطیاں منن نوں تیار نہیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels