Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> آئی بی کیس: داخلہ وزارت ہی کھوج لائے پر معاملہ حسّاس ہے۔عدالت دا فیصلہ

آئی بی کیس: داخلہ وزارت ہی کھوج لائے پر معاملہ حسّاس ہے۔عدالت دا فیصلہ

وچار ڈیسک
October 11th, 2017

اسلام آباد ہائی کورٹ نے وفاقی وزارتِ داخلہ نوں حکم دتا ہے کہ اوہ حساس ادارے انٹیلی جنس بیورو (آئی بی) دے انہاں حکام دے خلاف کاروائی کرے جو ریاست مخالف سرگرمیاں وچ ملوث نیں۔ عدالت عالیہ دے جج جسٹس شوکت عزیز صدیقی نے ایہہ حکم آئی بی دے اک حاضر سروس اہلکار ولوں اپنے ہی ادارے دے بعض افسر تے اہلکاراں تے ذاتی مفاد دے لئی دہشت گرداں تے غیر ملکی انٹیلی جنس اداریاں نال تعلقات دے الزام تے مبنی درخاست دی سماعت دے دوران دتا۔ پیر نوں جسٹس صدیقی نے درخاست نال نبڑدے ہوئے آکھیا کہ قنون دے سامنے برابر ہے تے جے کوئی ریاست مخالف سرگرمیاں وچ ملوث ہے تے ایس دے خلاف قنون نوں حرکت وچ آنا ہوئے گا۔ انہاں دا مزید کہنا سی کہ سیکریٹری داخلہ نوں ایہہ معاملہ ملک دے وسیع ترمفاد وچ حل کرن لئی کاروائی کرنی چاہیدی ہے۔ تاہم نال ہی جج دا ایہہ وی کہنا سی کہ ایس تے کاروائی کردے ہوئے ایس گل دا خیال وی رکھنا ہوئے گا کہ ایہہ معاملہ نہ صرف بہت حساس بلکہ انتہائی خطرناک وی ہے۔ اطلاعات دے مطابق پچھلے مہینے جداں ایہہ معاملہ عدالت دے سامنے لیایا گیا سی تے سیکریٹری داخلہ نے عدالت عالیہ نوں دسیا کہ ایہہ پہلے ہی وفاقی حکومت تے وزارت دے نوٹس وچ ہے تے ایس ضمن وچ بعض اہم فیصلے وی کیتے جاچکے نیں۔ انہاں نے عدالت نوں تحریری طور تے دسیا سی کہ ایہہ معاملہ انتہائی حساس نوعیت دا ہے تے وزارت ایس نال نبڑن دی صلاحیت تے اختیار رکھدی ہے۔ درخاست گذار نے عدالت توں استدعا کررکھی سی کہ ایس معاملے دی تحقیقاں فوج دے حساس ادارے ’آئی ایس آئی‘ دے سپرد کیتی جائے پر عدالت ایہہ نہ منیا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels