Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> امتیازی قنونی ورتارے:حلف نامہ تے62/63 سب لئی یا کسے لئی وی نہیں یا نرے سیاستداناں لئی؟

امتیازی قنونی ورتارے:حلف نامہ تے62/63 سب لئی یا کسے لئی وی نہیں یا نرے سیاستداناں لئی؟

October 11th, 2017

جیہڑے اصول، قنون سیاستداناں تے لائے گئے نیں انہاں نوں یا تے ججاں، جرنیلاں وغیرہ تے وی لاؤ یا فیرانہاں نوں مکاؤ۔ایہہ بحثاں ہن پاکستان وچ ہون لگیاں نیں۔نیب قنون کیوں سب تے نہیں لگ سکدا؟حلف نامہ تے62/63 دا ماملہ وی اینج ہی ہے۔روہنگیاں لئی جلوس کڈہن والے پاکستان وچ وی بے وطنے پیدا کرنا چاہندے نیں؟مسلہ قنون دے امتیازی ورتاریاں دا ہے ۔کیہہ قنون تے آئین دی تشریحاں کرن والی عدلیہ تے میڈیا امتیازی قنونی ورتاریاں خلاف چپ رہن گے؟قومی ایکشن پلان آئین تے قنون دے احترام اتے رٹ آف سٹیٹ تے کھلوتا ہے اتے امتیازی قنونی ورتارے ایس نال ٹکراندے نیں۔جے 63/63 ایڈا چنگا کم ہے تے فیر ایہہ سب دے حلفاں وچ کیوں نہیں؟ آئین دی پاسداریاں اتے قنون دے احتراماں دی قسم چکن بعدوں ایس سب دی کیہہ لوڑ ہے؟پارلیمنٹ وچ گل ہون لگی ہے اتے سیاستدان وی ایس بارے گل کر رہے نیں۔ایہہ مسلہ پاکستانی نیشنلزم نال وی جڑیا ہے کہ پارلیمنٹ دی سانجھے ان کیمرہ سیشن وچ سب نوں سنے پردھان اداریاں دے وڈکیاں سر جوڑ کے جھات پانی لوڑی دی ہے۔نرے سیاستداناں لئی قنون بنانا تے ڈکٹیٹراں دی ہشیار مہماں دا حصہ سی اتے پرانے بیانیے دا بوتھا کہ ایس توں اگے ودھنا اج دی لوڑ۔روہنگیاں نوں بے وطنا کر کے برما دنیا بھر وچ آپدا مذاق بنوایا کہ برما وچ چین دی سرحد تے وسن والابدھ مت دااک ماڑا فرقہ وی امتیازی قنونی ورتاریاں پاروں کھپ پا رہیا ہے۔ایس سب نال برمی نیشنلزم ہور کمزور ہویا ہے کہ سانوں وی ایس بارے سوچنا ہوئے گا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels