Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پاکستان، ایران تے ترکی ہن امریکہ توں پراں ہو رہے نیں۔چین مخالف لابی پریشان

پاکستان، ایران تے ترکی ہن امریکہ توں پراں ہو رہے نیں۔چین مخالف لابی پریشان

وچار ڈیسک
October 9th, 2017

ٹرمپ دے صدر بنن بعدوں امریکہ آر سی ڈی دے پرانے خطہ توں نویں پالیسیاں پاروں دور ہو رہیا ہے۔ایران خلاف تے ٹرمپ ہوراں اپنی الیکشن مہماں وچ ہی دس دتاسی پر پاکستان تے ترکی وی امریکہ توں دور ہو جاون گے ایس بارے زیادہ تجزیے نہیں آئے سن۔ سعودی امریکی اتحاد اتے ٹرمپ دے سعودی عرب دے دورے بعدوں ترکی دا اْلار روس ول ہویا اتے کردستان دے تازے ریفرنڈم بعدوں تے ترکی وی امریکہ نال سدھا ہو گیا۔ نویں افغان پالیسی بعدوں پاکستان وی ترکی وانگ امریکہ نوں دس رہیا ہے کہ اوہ آپدی پالیسیاں تے غور کرے۔ایران وی شمالی کوریا وانگ امریکی دھمکیاں نوں لفٹ نہیں کروا رہیا پر اوہ چاہندا ہے پئی امریکہ آپ عالمی ایرانی ایٹمی معاہدے توں نکلے۔ترکی وچ امریکی سفارتکار دی گرفتاری بعدوں ترکی امریکہ سانگے بہوں اوکھے ہو رہے نیں۔پاکستانی وزیراعظم شاہد خاقان عباسی دے تازے بیان نے ایس اگ نوں ہور ودھا دتا ہے۔انہاں آکھیا ہے پئی پاکستان دا امریکی اسلحہ تے دوجی تجارتاں تے انحصار مکن دا دور آگیا ہے۔ساڈے کول چینی تے یورپی اسلحہ وی ہے اتے روسی اسلحہ وی آ رہیا جے۔امریکہ اک پاسے اعلان کر دتا ہے پئی اوہ ترکی وچ نان امیگرنٹ ویزہ سروس نوں ڈک دتا ہے۔دوجے پاسے امریکہ وچ موجود ترکی دے سفارتخانے وی نان امیگرنٹ ویزہ سروس نوں ڈکن دا اعلان کر چھڈیا ہے۔ کردستان دے ریفرنڈم تے عراق وی تنگ ہے۔چین مخالف لابی سمجھدی سی پئی نواز شریف نوں ہٹاون توں بعد پاکستان ہولے ہولے چین توں پراں ہوئے گا پر ایتھے تے پٹھا کم ہو رہیا ہے۔امریکہ توں دوریاں بعدوں پاک چین سانگے ہور تگڑے ہون گے اتے روس نال وی گل اگے ودھے گی۔لڑائی ہور دی ہور کہ ہن پارلیمنٹ نوں ایس بارے کھل لے گل کرنی چاہیدی ہے۔ پی پی پی نے اج تاں مارے سینیٹ وچ سی پیک خلاف امریکی بیان تے وضاحتاں منگ لتیاں نیں۔دوجے پاسے متفقہ نیب چیرمین دی چون پاروں دنیا وچ ایہہ سنیہا گیا ہے پئی پاکستان اندرونی پدر تے وی تگڑا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels