Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> ونڈ۔بریگسٹ دا پیچا لما ہو گیا: نرے18وٹاں دا فرق۔اخیری یدھ اکتوبر

ونڈ۔بریگسٹ دا پیچا لما ہو گیا: نرے18وٹاں دا فرق۔اخیری یدھ اکتوبر

وچار ڈیسک
September 12th, 2017

برطانیہ دے تھلڑے ہاؤس(کامنز) وچ بریگسٹ بل تے کل دوجی ریڈنگ ہوئی جس وچ650 ممبراں چوں34ممبراں دا ووٹ رلتی نہیں سی تے حاکم جماعت نوں بریگسٹ بل دی حمائیتاں وچ 326 ووٹ ملے۔ جداں کہ مخالفاں نے پورے290 ووٹ لتے۔آپدی حرکتاں پاروں قدامت پسند جماعت اکلی ہوندی جا رہی ہے۔اینج جاپدا ہے پئی ہر پاسے سٹیبلشمنٹ کوڑ بیانیے ہی چلا رہیاں نیں۔بہوں سارے قدامت پسند ممبراں اپنی جماعت نوں آکھیا کہ جے اکتوبر تیک اید قنون نوں چنگا نہ کیتا تے اساں ایس دے خلاف ووٹ دواں گے۔ایس ویلے برٹش پارلیمنٹ پوری طرح وبڈی ہوئی نظر آرہی ہے کہ جس طراں ریفرنڈم تے برٹش قوم ونڈی نظر آرہی سی۔اک ممبر اسمبلی بولی، پئی اج پارلیمنٹاں دی ماں اکھوان والی اسمبلی وچ اک بلیک ڈے سی۔پچھلی چوناں پاروں اج حکمران پارٹی کول650 وچوں نریاں317سیٹاں نیں جداں کہ لیبر پارٹی کول262، سکاٹش نیشنل پارٹی کول35 سیٹاں نیں۔ایس توں اڈ کھبے دی آئرش پارٹیSinn Feinکول 7، سجے دی قدامت پرست ڈیموکریٹک یونینسٹ پارٹی کول دس اتے لبرل ڈیموکریٹ کول بارہ سیٹاں نیں۔
آف شور جنتاں دے راکھیاں بریگسٹ کروا کے برطانیہ نوں ونڈ چھڈیا ہے پر ایس دا فیصلہ اکتوبر وچ ہو سی۔کوربن ایس قنون دی مخالفتاں کردے ہوئے آکھیا ہے پئی اساں یورپ نال سانگیاں نوں جاری رکھنا چاہندے ہاں۔ پر جے اوس بریگسٹ دے مگر لکویں ٹیکس چوراں دی سیاستاں نوں سٹ ماری ہوندی تاں سب تیر ہو جاندے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels