Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> لہور:این اے120چوناں۔چار دن ۔فیصلہ 17ستمبر نوں یا پہلاں

لہور:این اے120چوناں۔چار دن ۔فیصلہ 17ستمبر نوں یا پہلاں

وچار ڈیسک
September 12th, 2017

سٹیبلشمنٹ کیہہ سوچ رہی ہے؟28جولائی توں بعدوں ہلے تے نریاں صفاں سدھیاں ہو رہیاں نیں۔لڑائی اگے ودھدی ہے تے ایس دی کیہہ شکل ہوئے گی ایس دا فیصلہ وی چار دناں وچ آ جا سی۔عدالتی پٹیشناں دی اپنی تھاں اہمیتاں اتے ایس دا وی چوناں تے بھیڑا چنگا اثر پئے گا۔عالمی پدر تے ٹرمپ دی افغان پالیسی اتے چین دی پردھانگی وچ برکس اعلامیے پاروں کھڑچ کنڈل ہور کھلردا جا رہیا ہے۔ ہن سروے وی آن گے تے میڈیا تے کھپ وی چلے گی تے کرکٹ وادھو۔
میڈیا وچ این اے120دی مہماں وچ عمران خان دے مزنگ چونگی وچ ماٹھے جلسے دی خبراں دے نال نال تحریک انصاف وچ پاڑ دی گلاں ہو رہیاں نیں۔ عمران خان دا الیکشن ڈے توں پہلاں لندن جانا یاسمین راشد لئی چنگا شگون نہیں۔
تحریک انصاف تے مسلم لیگ ن دا ایڈا مسلہ نہیں سگوں سٹیبلشمنٹ دے اوس دھڑے دا مسلہ ہے جیہڑا نواز شریف تے اوس دے خاندان دا مکو ٹھپنا اونج ہی ضروری سمجھدا ہے جنج 5جولائی1977بعدوں پی پی پی تے بھٹو خاندان دے مکو ڈپھن دی ناکام کوششاں کیتیاں سن پر دس اپریل نوں لوکاں اپنا فیصلہ سنا کے انہاں دا مکو ٹھپ دتا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels