Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> بی بی دا قاتل مشرف ہے۔مولا بخش چانڈیو لیڈر پی پی پی۔وڈا مسلہ سول ملٹری بیلنس ہے

بی بی دا قاتل مشرف ہے۔مولا بخش چانڈیو لیڈر پی پی پی۔وڈا مسلہ سول ملٹری بیلنس ہے

وچار ڈیسک
August 31st, 2017

اج جیو نیوز دے پروگرام وچ مولا بخش چانڈیو اوہی گلاں کیتیاں جیہڑا اک سیاسی ورکر کر سکدا ہے۔ انہاں مشرف دی صدارت وچ2008 دی چوناں بعدوں پی پی پی دے حکومت سنبھالن توں لے کے مشرف نوں رتے قالیناں تے ودیا کرن دے دور نوں اجیہا دور آکھیا جس وچ قاتل تے مقتول اک ہی تخت تے سوار سن۔ اوہ ایہہ تے نہ آکھ سکے پئی ایہہ تاں مارے سی کہ پاکستان وچ سول ملٹری بیلنس دا اْلار سول ول نہیں۔پر انہاں وڈے جگرے نال ایہہ آکھ دتا کہ اوہ27دسمبر دے منحوس دیہاڑ توں مشرف نوں بے نظیر بھٹو دا قاتل سمجھدے نیں۔انہاں مشرف نوں پھڑیچ کے پاکستان لیاون دی حمائیت کیتی اتے امید کیتی پئی پی پی پی دی قیادت وی اجیہا مطالبہ کرے گی۔پروگرام دے اخیر وچ ایہہ وی دسیا گیا پئی مشرف نوں کڈہن بعدوں پی پی پی نے ہی مشرف دا ناں ایف آئی آر وچ رلتی کروایا سی۔پی پی پی تے اک صحافی نما مجمان بہوں تنقید کیتی اتے رحمن ملک نوں ذمہ وار وی آکھیا گیا پر اوس صحافی سول ملٹری بیلنس بارے اک گل وی نہ کر کے اپنی کھوج نوں آپ کھجل کیتا۔ اصل مسلہ ایہو ہے پئی 2008توں اج تیک ہلے سول حکمراناں نوں سٹیبلشمنٹ اقتدار دتا ہی نہیں پر اج کل پی پی پی اجہی گل نہیں کرنا چاہندی۔پر بے نظیر مر کے وی پارٹی نوں اصل ٹیچیا ں ول آون لئی واجاں مار رہی ہے اتے مولا بخش چانڈیو جیہا سیاسی ورکر سچا سودا نبھا دتا۔سیاسی چالاں اپنی تھاں، پر وڈے ٹیچیاں توں پیچھے ہٹنا کسے وی طرح پارٹیاں لئی چنگا نہیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels