Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> بینظیر بھٹو قتل کیس ۔ سوال زیادہ، جواب نشتہ۔سعود،خرم تے مشرف نوں سزا مگر؟

بینظیر بھٹو قتل کیس ۔ سوال زیادہ، جواب نشتہ۔سعود،خرم تے مشرف نوں سزا مگر؟

وچار ڈیسک
August 31st, 2017

کیہہ 27دسمبر2007 نوں وڈے عہدیاں تے بیٹھے تمام پردھاناں نوں عدالت بلایا؟ مشرف تے پیش ہی نہیں ہویا پر دوجے وڈے افسراں نال عدالت تفتیش کیوں نہیں کر سکی۔پلس افسراں نوں کس ، کیوں حکم دتا سی۔کیہہ لیاقت باغ دی سیکورٹی تے نرے پلس افسر ہی سن؟ جے ایہہ وی پتہ سی پئی ات گرد ٹارگٹ کرنا چاہندے نیں تاں فیر کیہہ کیتا گیا؟ایہہ فیصلہ وی ہائی کورٹ وچ سٹے ہو جائے گا۔ عدالت دس سال کیوں لائے؟اپنے اقتداری دور وچ پی پی پی کیہہ کیتا؟ سیاسی لیڈراں نوں تے جلسے کرنے ہوندے نیں اتے چونان دے نیڑے تے ایہہ وڈی مجبوری ہوندی ہے۔بے نظیر بھٹو وی چوناں پاروں جلسے کر رہے سن تے انہاں نوں سیکورتی دینا کس کس دی زمہ واری سی؟ کیہہ مشرف دا ریڈ وارنٹ جاری ہوئے گا؟سوال زیادہ تے جواب نشتہ۔ ہن تساں خبر پڑھو

راولپنڈی دی انسداد دہشت گردی عدالت نے بینظیر بھٹو قتل کیس دا فیصلہ سنا دتا، جس دے مطابق 5 گرفتار ملزمان نوں بری کردتا گیا جداں کہ سابق سٹی پلس افسر (سی پی او) خرم شہزاد تے سابق سپرنٹنڈنٹ پلس (ایس پی) سعود عزیز نوں مجرم قرار دے کے 17,17 سال قید دی سزا سنادتی گئی۔ سابق وزیراعظم بینظیر بھٹو دے قتل دے 9 سال 8 مہینے بعد راولپنڈی دی انسداد دہشت گردی عدالت دے جج اصغر خان نے کیس دا فیصلہ سناندے ہوئے 5 گرفتار ملزمان نوں بری کرن دا حکم دے دتا۔ چیتے رہے کہ 27 دسمبر 2007 نوں پاکستان پیپلز پارٹی دی سربراہ تے سابق وزیراعظم بینظیر بھٹو نوں لیاقت باغ وچ جلسے دے بعد قتل کردتا گیا سی۔ ایس حملے وچ 20 دوجے افراد وی جاں بحق ہوئے سن۔ ایس کیس وچ کالعدم تحریک طالبان پاکستان دے پنج دہشت گرداں اعتزاز شاہ، حسنین گل، شیرزمان، رفاقت تے رشید احمد گرفتاری دے بعد سلاخاں دے پچھے سن۔ہن عدالت نے انہاں نوں بری کرن دا حکم دے دتا۔ عدالت نے سابق سی پی او سعود عزیز تے سابق ایس پی خرم شہزاد نوں بے نظیر بھٹو قتل کیس وچ دو دفعات دے تحت 17,17 سال قید سنادتی۔ عدالت دے فیصلے دے فوری بعد ضمانت تے رہائی پان والے دوناں پلس افسراں نوں ہتھکڑیاں لادتیاں گئیاں نیں۔ عدالت نے فیصلے وچ آکھیا کہ دونوں پلس افسراں نوں 5,5 لکھ روپے جرمانہ وی ادا کرنا ہوئے گا جداں کہ جرمانے دی عدم ادائیگی تے 6,6 مہینے مزید قید بھگتنا ہوئے گی۔ فیصلے دے مطابق دونوں پلس افسر نوں واقعے دے فوری بعد جائے وقوعہ نوں دھوکے شواہد ضائع کرن تے مقتول سابق وزیراعظم دا پوسٹ مارٹم نہ کروا ن پاروں سزا سنائی گئی۔ کیس دے مرکزی ملزم سابق صدر مشرف نوں وی اشتہاری قرار دے کے انہاں دی جائیداد دی قرقی دا حکم وی دے دتا۔ بے نظیر بھٹو قتل کیس دی سماعت مکمل ہون وچ دس سال لگ گئے۔مقدمہ فروری وچ بن گیا سی پر پی پی پی نے 2008 وچ اپنی حکومت بنائی سی تے ایس دی تفتیش ایف آئی اے نوں دے دتی گئی سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels