Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> ٹرمپ دا امریکہ: فوج وچ کھسریاں تے پابندی۔مقدمہ عدالت وچ

ٹرمپ دا امریکہ: فوج وچ کھسریاں تے پابندی۔مقدمہ عدالت وچ

وچار ڈیسک
August 31st, 2017

کھسریاں خلاف ٹرمپ تے ایرانی ملا اک صفحے تے نیں۔لگدا ہے ٹرمپ دا دنگل کسے کھسرے نال کرانا پئے گا تانجے ٹرمپ نوں یقین آئے کہ طاقت تے تربیت دا جنس نال کوئی سانگا نہیں ہوندا۔ایل جی بی ٹی اتے کھسریاں وغیرہ خلاف امریکی قدامت پسنداں دا بوتھا ریپبلکن پارٹی ہے اتے ٹرمپ انہاں دا پردھان ہے۔تسی ہن خبر پڑھو
شہری حقاں دی تنظیماں نے امریکی فوج وچ خواجہ سراواں تے پابندی دے صدارتی حکم نامے نوں عدالت وچ چیلنج کیتا ہے۔ اک مقدمہ شہری حقوق دی تنظیم امیریکن سول لیبرٹیز نے امریکی فوج وچ حاضر سروس چھ خواجہ سراواں ولوں دائر کیتا۔ صدر ٹرمپ نے چپھلے دناں فوج وچ خواجہ سراواں تے پابندی نوں دوبارہ لاگو کرن لئی اک صدارتی حکمنامے تے دستخط کیتے سن۔ ایس توں پہلے پچھلے مہینے جولائی وچ امریکی صدر ڈونلڈ ٹرمپ نے اک ٹوئٹ وچ آکھیا سی کہ خواجہ سرا فوج وچ کسی وی حیثیت وچ کم نہیں کرسکدے۔ ایس وقت انہاں دا کہنا سی کہ امریکی حکومت خواجہ سراواں نوں کسی وی حیثیت وچ امریکی فوج وچ رہن دی اجازتاں نہیں دے گی۔ انہاں دا کہنا سی کہ ساڈی فوج نے اہم تے وڈی کامیابیاں تے توجہ مرکوز رکھنی ہوندی ہے ا تے ایس تے وڈے طبی اخراجات تے مسائل دا بوجھ نہیں پاسکدا جو خواجہ سراواں دی ضرورتاں ہوندیاں نیں۔ اوبامہ انتظامیہ توں منظور شدہ ایس پالیسی نوں یکم جولائی 2017 وچ لاگو ہونا سی۔ پرجون وچ نویں انتظامیہ وچ وزیر دفاع جیمز میٹس نے فوج وچ خواجہ سراواں دی بھرتیاں نوں چھ مہینے تک ملتوی کرن دا اعلان کیتا سی۔ امیریکن سول لیبرٹیز دا کہنا ہے کہ ایہہ مقدمہ آئینی حق دی خلاف ورزیاں پاروں دائر کیتا گیا ہے اتے اک دوجا مقدمہ وی ایل جی بی ٹی گروپس تے تِن خواجہ سرا واں ولوں دائر کیتا گیا ہے۔ انہاں تِن چوں دو فوج وچ بھرتی ہونا چاہندے نیں تے اک پہلے ہی توں حاضر سروس ہے۔ تحقیق تے ڈویلپمنٹ توں متعلق ادارے رینڈ کارپوریشن ولوں جاری کردہ اندازے دے مطابق پچھلے سال امریکی فوج وچ خواجہ سراواں دی کل تعداد 4000 سی ۔تاہم کجھ اندازیاں دے مطابق ایہہ تعداد 10 ہزار توں زیادہ ہے۔ امیریکن سول لیبرٹیز نے اپنی ویب سائٹ تے آکھیا ہے کہ ایسے مرد تے عورتاں جو خواجہ سرا نیں انہاں نوں فوج وچ آزاد طور تے اپنے فرائض انجام دین تے صحت توں متعلق سہولیات مہیہ کرن توں فوج دی تیاری تے مختلف یونٹس وچ ربط وچ کوئی فرق نہیں پئے گا۔ دائر کیتے جان والے مقدمیاں وچ اک مدعی پچھلے 11 سال توں امریکی بحریہ وچ حاضر سروس نیں تے افغانستان وچ وی فرائض انجام دے چکی ہے۔ ہن انہاں ورگے کئی حاضر سروس خواجہ سرا غیر یقینی دا شکار نیں ۔ وائٹ ہاؤس دا کہنا ہے کہ اسی عدالت وچ زیر سماعت یا زیر االتوا مقدمیاں بارے بیان نہیں دیندے۔ وزارت دفاع دے ترجمان نے وی رپورٹرز دے نال بریفنگ وچ ایس توں رلدا ملدا بیان دتا ہے۔ حاضر سروس فوجیاں دے اک وکیل دا کہنا ہے کہ پابندی نوں جاری رکھن لئی ٹرمپ انتظامیہ نوں ایہہ ثابت کرنا ہوئے گا کہ خواجہ سراواں توں فوج دی تیاری تے لڑن دی صلاحیت تے فرق پیندا ے۔ انہاں دا کہنا سی کہ خواجہ سرا فوج دا نِکا جیہا حصہ ہے ایس لئی انتظامیہ لئی ایہہ ثابت کرنا مشکل ہوئے گا ۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels