Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> مردم شماری تے سینیٹ کمیٹی: کریڈٹ نہیں کیڑے۔19سال بعد مردم شماری ہوئی

مردم شماری تے سینیٹ کمیٹی: کریڈٹ نہیں کیڑے۔19سال بعد مردم شماری ہوئی

وچار ڈیسک
August 31st, 2017

ملک وچ19سال بعدوں مردم شماریاں ہوئیاں اتے چاروں صوبوئی سرکاراں ایس وچ رلتی سن۔ پر کریڈٹ دین دی تھاں کیڑے کڈے جارہے نیں۔پی پی پی اجکل فوج دے اعداد و شمار نوں ہی مستند آکھ رہی ہے۔جداں کہ چیف کمشنر شماریات باجوہ ہوراں دا آکھنا ہے پئی فوج تے سول دے حساب کتاب وچ کوئی فرق نہیں۔فاروق ستار اج جیو دے پروگرام وچ آپ ایہہ منیا کہ کراچی دی آبادی بارے اندازے نیں کہ ایہہ اک کڑوڑ تے60 لکھ ہے۔فیر بولے کراچی دی آبادی ڈیڑھ تے ڈھائی لکھدے درمیان ہے۔ پر فیر ایہہ تن کڑوڑ کیوں آکھیا جاندا سی؟ کراچی دے حوالے نال ایہہ گل پکی ہے پئی اوتھے لکھاں دی گنتری وچ غیر ملکی ، برمی، بنگالی وغیرہ رہندے نیں۔ دوجی گل انہاں لوکاں دی ہے جیہڑے کراچی چھڈ گئے۔ پر فاروق ستار ایہہ گلاں نہیں کرنیاں اتے پی پی پی والے اک پاسے کراچی وچ ایم کیو ایم نال مقابلے وچ نیں تے دوجے پاسے حکومت نوں کریڈٹ نہیں دینا چاہندے۔زنانیاں دی گنتری دے حوالے نال وی اٹھ و اٹھ ماریا جا رہیا ہے۔زنانیاں دا تناسب 1998توں زیادہ ہے۔ ہن تساں خبر پڑھو۔
ادارہ شماریات دے حکام سینیٹ دی قائمہ کمیٹی نوں ملے اتے سینٹ دی قائمہ کمیٹی برائے نجکاری و شماریات نے 1680 بلاکس وچ دوبارہ سروے دی سفارش کردے ہوئے معاملہ مشترکہ مفادات کونسل وچ بھجوان دا آکھیا ہے۔ سینیٹ دی قائمہ کمیٹی برائے نجکاری و شماریات دا اجلاس چیئرمین کمیٹی محسن عزیز دی زیر صدارت ہویا جس وچ چیف کمشنر شماریات آصف باجوہ نے ملک وچ ہون والی حالیہ مردم شماری دے حوالے توں بریفنگ دتی۔ قائمہ کمیٹی ارکان دا کہنا سی کہ ملک وچ مردم شماری لئی اک لکھ 68 ہزار بلاکس قائم کیتے گئے سن۔ غلطی یا ابہام دور کرن لئی ضروری ہے کہ اک فیصد بلاکس وچ دوبارہ سروے کیتا جائے۔ سلیم مانڈوی والا نے آکھیا کہ سندھ تے بلوچستان نے مردم شماری نتائج تے تحفظات دا اظہار کیتا ہے جس پاروں ایہہ معاملہ مشترکہ مفادات کونسل وچ وی چکیا جاسکدا ہے۔ چیف کمشنر شماریات آصف باجوہ نے حالیہ مردم شماری تے اٹھن والے اعتراضات نوں مسترد کردے ہوئے دعویٰ کیتا ہے کہ مردم شماری وچ اک اک فرد دی تصدیق کیتی گئی۔ انہاں نے آکھیا کہ فوج نے مردم شماری دی ساکھ، شفافیت تے سکیورٹی لئی معاونت فراہم کیتی تے شماریات ڈویژن تے فوج دے کول موجود مردم شماری دے ریکارڈ وچ فرق نہیں ۔ واضع رہے کہ پیپلز پارٹی دے سینئر رہنما خورشیدہ شاہ نے مطالبہ کیتا سی محکمہ شماریات تے پاکستان آرمی لوں جمع کیتے گئے اعداد و شمار دا موازنہ کیتا جائے تاکہ مردم شماری دے نتائج دی حقیقی تصویر سامنے آسکے۔ چیف کمشنر شماریات آصف باجوہ نے دسیا کہ مردم شماری وچ ہر اک فرد دی تصدیق کیتی گئی تے انساناں دی گنتری دے دوران 20 فیصد افراد دے شناختی کارڈ دی نادرا توں تصدیق وی کرائی گئی۔ آصف باجوہ نے سینیٹ کمیٹی نوں دسیا کہ پنجاب سرکار نے پورے لاہور ضلع نوں اربن (شہری) ڈکلیئر کردتا گیا سی جداں کہ کراچی دے 2 اضلاع تاحال رورل (دیہات) نیں ایہو وجہ ہے کہ اربنائزیشن دے باعث آبادی گھٹ ہوئی ہے۔ آصف باجوہ نے خواجہ سراواں دے اعداد و شمار تے اعتراضات وی مسترد کردتے تے آکھیا کہ مردم شماری وچ خود نوں خواجہ سرا ظاہر کرن والیاں نوں ہی گنیا گیا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels