Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> مردم شماری ٹھیک ہے۔کیڑے کڈن والے اک بلاک دی گنتری کروا لین۔قیصر بنگالی

مردم شماری ٹھیک ہے۔کیڑے کڈن والے اک بلاک دی گنتری کروا لین۔قیصر بنگالی

وچار ڈیسک
August 29th, 2017

کراچی توں تعلق رکھن والے معاشی ماہر اتے سندھدی پی پی پی سرکار دے سابقہ مشیر قیصر بنگالی ہوراں بی بی سی نال گل بات کردے ہوئے مردم شماری نوں ٹھیک آکھیا ہے۔ انہاں جٹکی گل کردے ہوئے آکھیا ہے پئی جس نوں ایہہ مردم شماری غلط لگدی ہے اوہ کراچی دا نرا اک بلاک لین تے اوس دی خانہ شماری کروان اتے جے اوس رزلٹ اتے سرکاری حساب کتاب وچ فرق ہوئے تاں انہاں دا کیس تگڑا ہو سکدا ہے۔انہاں آکھیا پئی مردم شماری اک بہوں وڈا کم ہوندا ہے اتے اوس نوں اٹھ و اٹھ مار کے وگاڑیا نہ جائے۔معاشی تجزیہ کار اسد سعید وی بی بی سی نوں دسیا کہ دو سال پہلاں اک مستند سٹڈی وچ کراچی دی آبادی اک کڑوڑ سٹھ لکھ دسی گئی سی۔ تازہ رزلٹ ایس دے نیڑے ہے کہ نویں مانو گنتری وچ کرچی دی آبادی اک کڑوڑ تے اونجاہ لکھ ہے۔
مانو گنتری وچ پنجاب دے لوکان دا تناسب گھٹ ہو گیا ہے پر گھپ کراچی والے پا رہے نیں۔ مشرف سرکار عالمی پدر تے جھوٹ بولدی رہی کہ پاکستان وچ بچے جمن دا تناسب1.86ہو چکیا ہے پر اج پتہ چلیا پئی ایہہ تناسب تے پورے2.40ہے۔ایہہ جھوٹ سرکاری پدر تے ڈونراں نوں چکر دین لئی رچایا جاندا سی تانجے باہرلے آکھن پئی مشرف آبادی نوں کنٹرول کیتا ہے۔قیصر بنگالی لہور دی ودھ چکی آبادی باے آکھیا پئی لہور وچ جس طرح دی ترقی ہوئی ہے اوس پاروں بہوں لوک لہور آ کے وسے نیں۔
جس طرح ایم کیو ایم اتے ایس دے دھڑیاں کراچی نوں برباد کیتا ہے اوس پاروں بہوں لوکاں نے کراچی چھڈیا ہے اتے ایس نقل مکانی دی ذمہ وار ایم کیو ایمی سیاست ہے۔کراچی والے دبئی، ملائشیا حتاکہ بنگلہ دیش ٹر گئے اتے بہوں سارے تے لہور، اسلام آباد آن وسے کہ کدی ایہہ سروے وی کرواؤ پئی کراچی نوں باہر کڈی نقل مکانی ہوئی اتے اوس وچ کس کس برادری دے لوک رلتی نیں تے گل سمجھ آ جا سی۔
News regarding Census published at wichaar
http://www.wichaar.com/news/119/ARTICLE/33410/2017-08-26.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels