Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> مشرف دی ڈڑکی: دوجی وار تقریر نہ کر سکیا۔مہاجراں تے فوج تے بوجھ

مشرف دی ڈڑکی: دوجی وار تقریر نہ کر سکیا۔مہاجراں تے فوج تے بوجھ

وچار ڈیسک
August 28th, 2017

پرویز مشرف ایوب تے یحی توں وی سبق نہ سکھیا اتے ٹپوسیاں مار مار اپنے سجناں نوں وی گھجل کر رہیا ہے۔کدی اوہ مہاجر بن جاندا ہے تے کدی فوجی کہ اوہ چاہندا ہے پئی مہاجر یا فوجی یا کوئی ہور اوس دا بوجھ چک لین۔اپنی اجہی حرکتاں پاروں اوس اجیہا کم پایا ہے پئی فوج تے ایم کیو ایم دوناں اوس توں پردہ کر لتا ہے۔ہن تساں مشرف بارے اک ہور تازی خبر پڑھو جس نوں میڈیا چھاپیا ہے۔
لندن (ووودمشتاق، مرتضیٰ علی شاہ) دو ہفتیاں دے دوران پرویز مشرف دا خطاب روکے جان دا دوجا واقعہ پیش آگیا۔ آل پاکستان مسلم لیگ نے آرگنائزاں نال پھڈے۔ جمہوریت پسند کارکناں ولوں اکٹھ نوں رگیدن د ے خطریاں پاروں اتوار نوں زم زم ایجوکیشن سنٹر دے تعاون نال برطانوی شہر ’سلخ‘ وچ منعقد کیتا جان والا اکٹھ کینسل کردتا گیا۔ایس پراگرام دے دعوت نامے وی گھلے جا چکے سن ۔پر اوسے دن پاکستان آگاہی مہم نامی تنظیم نے انہاں دے خلاف برطانوی وزیراعظم دی رہائش گاہ دے باہر مظاہرہ کیتا تے احتجاجی مراسلہ وی جمع کروایا۔ مشرف دی تقریر دی منسوخی دا ایہہ دوجاواقعہ ہے۔ ایس توں پہلے سکول آف اوریئنٹل اینڈ افریقن سٹڈیز دی اک تقریب وچ انہاں دی تقریر ایس وقت روکنی پئی سی جداں کجھ پاکستانی کارکناں نے انہاں دے خلاف احتجاج شروع کردتا سی۔ زم زم ایجوکیشن سنٹر دے پیر علی پاشا نے دسیا کہ پرویز مشرف انہاں دے دوست نیں تے اوہ ضرور ایس اکٹھ وچ رلت کرن گے۔ دوجے پاسے آل پاکستان مسلم لیگ دے ذرائع نے دسیا کہ اوہ زم زم سنٹر دے اکٹھ نال صرف ٹیلی فونک خطاب کرن گے تے ایس لئی نویں تریخ دا علان چھیتی ہی کیتا جا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels