Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> چینی قیادت وچ چار ملکی اتحاد:افغانستان تے پاکستان دے فوجی پردھاناں دی رلت اتے امریکی پریشانیاں

چینی قیادت وچ چار ملکی اتحاد:افغانستان تے پاکستان دے فوجی پردھاناں دی رلت اتے امریکی پریشانیاں

August 28th, 2017

کیہہ چینی تعاون پاروں پاکستان دا امریکہ تے انحصار گھٹ ہو جائے گا؟ات گردیاں نال نبڑن لئی بنائے گئے چار ملکی اتحادQCCM دے اج دے اکٹھ وچ چینی، افغانی ،تاجک اتے پاکستانی فوجی پردھاناں رلت کیتی۔ایہہ تحاد پچھلے سال اگست وچ بنایا گیا سی اتے چین نے اعلان کیتا سی پئی چینی ہن پاکستان تے افغانستان وچ سانگے چنگے کرن گے۔ خبر ہے کہ امریکہ دی نواز شریف توں ہتھ چکن دی وجوہات وچ امریکی سعودی اتحاد توں اڈ ایس اتحاد وچ رلت وی سی۔ کل تاجکستان دے وچلے شہر دوشنبے وچ کیو سی سی ایم دا اکٹھ ہویا جس وچ سارے ملکاں دے فوجی پردھاناں رلت کیتی۔ پاکستان دے آرمی چیف قمر جاوید باجوہ، افغانستان دے چیف آف جنرل سٹاف جنرل شریف یفتالی، تاجکستان دے جنرل صاحبزادہ امام علی عبدالرحمن اتے چین دے جنرل لی ژو چینگ اپنے اپنے وفد دے پردھان سن۔ چاراں ایس گل تے اتفاق کیتا پئی ریجنل تعاون نال ہی اتگردیاں نال نبڑیا جا سکدا ہے۔ چیتے رہے پئی چین دے صوبے سینکیانگ دے وچلے شہر ارمکی وچ کیو سی سی ایم دا پہلا اکٹھ ہویا سی۔ایس سال چھ جولائی نوں دوشنبے وچ ہی سی اے ایس اے۔1000دے اکٹھ وچ ایہہ اعلان ہویا سی پئی کرغیزستان توں افغانستان دے رستے اک ہزار میگاواٹ بجلی دتی جائے گی۔ایس اکٹھ وچ وزیراعظم پاکستان میاں نواز شریف رلت کیتی سی۔چینی سفارتکاریاں وچ ملکاں نوں سرمایہ کاریاں پاروں جوڑن دا ویژن وادھو۔چار ملکی اکٹھ پہلے دن ایہہ اعلان کیتا سی پئی ایہہ اتحاد نہ تے کسی دوجے ملک خلاف ہے اتے نہ ہی ایہہ کسی عالمی ادارے نوں روکنا چاہندا ہے۔ سگوں ایس اتحاد پاروں اساں چاراں ملکاں وچ سیکورٹی دی سانجھ نال مسلیاں نوں حل کراں گے۔ ایہو وجہ ہے پئی پاکستانی آرمی چیف اک وکھری میٹنگ وچ افغان جنرل نوں ورکنگ گروپ بناون دا آکھیا جس تے دوناں اتفاق کیتا۔چیتے رہے پئی افغان سی جی ایس تاجک نیں۔ایہہ اک وڈی پالیسی شفٹ ہے اتے پاکستان تے افغانستان وچ پاور بروکراں نوں تیز کر سکدی ہے۔افغانستان وچ امریکہ فوجاں دے پردھان جنرل نکلسن دے پاکستان مخالف بیان توں بعد کم ہور پخ گیا ہے۔جے چین دے تعاون نال پاک افغان کدورتاں مک گیاں تے ایس ریجن نوں تگڑا ہون توں کوئی ڈک نہیں سکے گا۔ایہہ گل بہوں سارے ملکاں نوں وارا نہیں کھاندی کیونجے اوہ پاکستان تے افغانستان نوں اپنی دھر سمجھدے نیں۔اک پاسے امریکہ دی نائب خارجہ وزیر نوں پاکستان دا دورہ کرن توں روکیا گیا ہے تے دوجے پاسے وزیراعظم شاہد خاقان عباسی وی ٹرمپ دے بیان نوں امریکی ناکامی آکھیا ہے۔
Some References
http://www.dnanews.com.pk/pakistan-tajikistan-military-leaderships-discuss-counter-terrorism/

http://eng.mod.gov.cn/DefenseNews/2016-08/04/content_4707451.htm


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels