Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> نیب تے الزام:زرداری دے مقدمے مک مکا پاروں مکے۔ عمران خان

نیب تے الزام:زرداری دے مقدمے مک مکا پاروں مکے۔ عمران خان

وچار ڈیسک
August 27th, 2017

جے آئی ٹی دی تعریفاں تے نواز شریف تے اداریاں دی تصحیک دا الزام لاون والے عمران خان ہن آپ نیب تے ’’مک مکا‘‘ دا الزام لا دتا۔ انہاں دا آکھنا ہے پئی نیب دے ادارے نے ’’ مک مکا‘‘ پاروں پی پی پی دے پردھان آصف علی زرداری دے مقدمیاں نوں مکایا ہے۔انہاں آکھیا پئی آصف زردادی دی باہرلے ملکاں وچ سرے محل سنے ارباں روپیے دی جائیداداں نیں۔کل تیک عمران خان آکھرہے سن پئی نواز شریف نوں نیب اگے پیش ہونا چاہیدا ہے تے اج آکھدے نیں پئی نیب تے سپریم کورٹ نوں وی اعتبار نہیں تے میں کنج نیب تے اعتبار کراں۔پر اوہ ایہہ وی دس دین پئی فیر ایس نکمی نیب تے نواز شریف کیوں اعتبار کرے؟ سیاستدان جے نیب نوں اتے ایس قنون نوں ایڈا بھیڑا سمجھدے نیں تے پارلیمنٹ وچ نواں قنون کیوں نہیں لیاندے؟ ایس ویلے تے سپریم کورٹ وی نیب نوں غلط آکھدی ہے تے عمران وی۔ پی پی پی پہلاں ہی نیب نوں سندھ وچ ڈکنا چاہندی ہے۔ ایس دا حل تے نویں قنون وچ ہی ہے۔ اوہ اج لہور وچ اک پریس کانفرس نال گل بات کر رہے سن۔اینج جاپدا ہے عمران نوں سٹیبلشمنٹ تے پی پی پی وچ بنن والا رشتہ بھیڑا لگ رہیا ہے۔ اخیر انہاں ایس دن لئی تے گو نوازگودا نعرہ نہیں لایا سی۔مہماں اوہ چلاون تے فیدے پی پی پی نوں ہون، بس ایہہ بیان ایسے دکھ دا اظہار جے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels