Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> عمران خان معافی نہیں منگی ،توہین عدالت تے کاروائی شروع۔الیکشن کمشن۔جواب بدھ تک؟

عمران خان معافی نہیں منگی ،توہین عدالت تے کاروائی شروع۔الیکشن کمشن۔جواب بدھ تک؟

وچار ڈیسک
August 20th, 2017

الیکشن کمیشن نے چیئر مین تحریک انصاف عمران خان دے خلاف توہین عدالت دی باضابطہ کاروائی دا آغاز کرن دا فیصلہ کرلتا تے آکھیا ہے کہ عوامی نمائندگی ایکٹ تے آئین دے آرٹیکل 204 دے تحت توہین عدالت تے کاروائی دا اختیار رکھدے نیں۔ تفصیلاں پاروں الیکشن کمیشن نے عمران خان دے خلاف توہین عدالت کیس دا تفصیلی فیصلہ جاری کردتا ہے۔ فیصلہ متفقہ طور تے 5 رکنی کمیشن ولوں جاری کیتا گیا ہے۔ الیکشن کمیشن ولوں جاری ہون والے فیصلے وچ آکھیا گیا ہے کہ الیکشن کمیشن عوامی نمائندگی ایکٹ تے آئین آرٹیکل 204 دے تحت توہین عدالت دا اختیار رکھدا ہے تے عمران خان دے خلاف کاروائی آئین دے آرٹیکل 103 اے، 204 عوامی نمائندگی ایکٹ تے توہین عدالت آرڈیننس دے تحت جارہی ہے۔ الیکشن کمیشن نے اپنے فیصلے وچ سپریم کورٹ دے مختلف مقدمیاں دا حوالہ دیندے ہوئے آکھیا کمیشن کسی وی شخص دی درخاست تے توہین عدالت دی کاروائی کرسکدا ہے۔ ملک دی مختلف عدالتاں وچ توہین عدالت دی ہزاراں درخاستاں دائر کیتیاں گئیاں نیں تے الیکشن کمیشن وچ توہین عدالت دی کاروائی دی درخاست پیٹشینر نے دائر کیتی جو کیس دا براہ راست فریق ہے۔ جداں کہ عمران خاں نے یکم جنوری 2017 نوں توہین آمیز ریمارکس تے تحریری طور تے معافی نہیں منگی۔ کیس دی سماعت وچ عمران خان دے وکیل بابر اعوان نے دلائل وچ آکھیا سی کہ توہین عدالت دا معاملہ ا فراد تے عدالت دے مابین ہوندا ہے۔ الیکشن کمیشن نے عمران خان دے وکیل دے دلائل مسترد کردے ہوئے آکھیا چیئرمین پی ٹی آئی دے خلاف توہین عدالت دی باضباطہ کاروائی دا آغاز کردتا گیا ہے۔ الیکشن کمیشن نے عمران خان نوں شور کاز نوٹس جاری کردے ہوئے 23 اگست تک جواب طلب کرلتا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels