Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> معمولی نوعیت دے مقدمیاں وچ انسداد دہشتگردی وفعات شامل نہ کیتیاں جان۔سپریم کورٹ

معمولی نوعیت دے مقدمیاں وچ انسداد دہشتگردی وفعات شامل نہ کیتیاں جان۔سپریم کورٹ

وچار ڈیسک
August 16th, 2017

ساڈے ایتھے تے لوک اپنی بہناں، بیویاں تے بالڑیاں نوں آپ مار ریندے نیں تے بعد وچ زور زبردستی نال راضی نامہ یا اسلامی قنوناں پاروں قاتل بچا لتے جاندے نیں۔قصاص دیت دا سب توں کور ورتارا عدالتاں راہیں ریمنڈ ڈیوس کیس وچ سب ویکھ چکے نیں۔ عدالت ایس بارے وی غور کرے پئی مختاراں مائی دے مجرم کیوں عدالتاں توں بچا لتے جاندے نیں۔ تساں ایہہ خبر پڑھو تے ایس بارے سوچو۔
وائس آف امریکہ:عدالت عظمی دے جج دوست محمد کھوسہ ولوں 22 صفحات تے مشتمل اک فیصلے وچ آکھیا گیا پئی عدالتاں دہشت گرداں نوں سزواں دین لئی سخت قنوناں دے نفاذ نوں نظر انداز نہیں کرے گی۔ پر انسداد دہشت گردی ایکٹ (اے ٹی اے) 1997 نوں قتل تے اقدام قتل دے مجرماں دے خلاف استعمال کرن لئی وسیع نہیں کیتا جائے گا۔ جسٹس دوست محمد خان، جسٹس اعجاز افضل خان دی سربراہی وچ قائم ہون والے سپریم کورٹ دے اوس بینچ دا حصہ سی جیہناں نے لاہور ہائی کورٹ دے 20 مئی 2009 دے فیصلے دے خلاف اپیل دی سنوائی کیتی سی۔ واضع رہے کہ 24 اپریل 2001 نوں گجرانوالہ دے نواحی پِنڈ بہروپ گڑھ وچ نذیر احمد، محمد سلیم، غلام عباس تے 9 سالہ سنبل نوں ہلاک جداں کہ تِن بچیاں سمیت 9 افراد نوں زخمی کردتا گیا سی۔ علاقہ پلس نے ایس کیس وچ اے ٹی اے دے سیکشن6 تے سیکشن7 اے نوں شامل کردتا سی جس دے بعد مجرماں دا ٹرائل انسداد دہشت گردی دے قنون دے تحت کیتا گیا۔ بعد چوں لاہور ہائی کورٹ نے ایس واقعے وچ ملوث 6 افراد نوں 20 مئی 2009 نوں سزائے موت دین دا حکم دتا سی۔ جسٹس دوست محمد کھوسہ دے 22 صفحات تے مشتمل فیصلے دے مطابق اک قتل دے کیس وچ اے ٹی اے دی دفعات شامل کرن توں مرحوم شخص دے لواحقین قصاص تے دیت توں محروم ہوگئے۔ سپریم کورٹ دے فیصلے وچ آکھیا گیا کہ جے کیس وچ انسداد دہشت گردی دی دفعات شامل کیتیاں جان گئیاں تے فیر قصور واراں تے لایا جان والا جرمانہ قومی خزانے وچ چلاجاندا ہے۔ مناسب وجوہات دے بغیر ایہہ اسلامی احکامات دے تسلیم کردہ حقوق دے خلاف ہے۔ جسٹس دوست محمد خان لکھدے نیں کہ ایہہ معاوضہ مقتول شخص دے قنونی لواحقین دا بنیادی حق ہے جس نوں اے ٹی اے دی دفعات نوں شامل کرکے انہاں توں کھویا نہیں جاسکدا۔ فیصلے وچ آکھیا گیا کہ جے کدی قتل ،اقدام قتل دے کیسز وچ اے ٹی اے دی دفعات شامل کرنا لازم ہوئے تے اوتھے دہشت گرد تے دہشت گردی دا لفظ استعمال نہیں ہوئے گا۔ فیصلے وچ دسیا گیا کہ عوام عبادت گاواں، تعلیمی اداریاں، سیکیورٹی اداریاں مسلح فوجاں تے قنون بنان والیاں دی نمائندگی کردی ہے۔ جسٹس دوست محمد خان دے ایس فیصلے وچ دسیا گیا کہ معمولی جرائم وی تباہ کن تے لرزہ خیز ہوسکدے نیں پر انہاں وجوہات دی بنا تے انہاں نوں انسداد دہشت گردی ایکٹ وچ شامل نہیں کیتا جاسکدا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels