Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> رضا ربانی دی گلاں تے غور کرو۔2018دے الیکشن مشکوک۔جسٹس(ر) خلیل الرحمن خان

رضا ربانی دی گلاں تے غور کرو۔2018دے الیکشن مشکوک۔جسٹس(ر) خلیل الرحمن خان

وچار ڈیسک
August 15th, 2017

اج پاکستان دے اداریاں وچ سخت تناؤ ہے اتے ایہہ اک وڈی حقیقت ہے جس توں اکھاں میٹنیاں کسے لئی وی فیدہ مند نہیں۔چیرمین سینیٹ رضا ربانی دے بیان نے اداریاں وچ ڈائیلاگ دی گل چھیڑی ہے اتے وفاق دی علامت سینیٹ آف پاکستان وچ ایس نوں شروع کرن دا آکھیا ہے۔ اج کبوتر وانگ اکھاں بند کرن نال ایس توں جان نہیں چھڈائی جاسکدی۔ایہو وجہ ہے پئی رضا ربانی دی حمائیتاں وچ گلاں وادھو۔ اج سیریم کورٹ دے سابقہ جج خلیل الرحمن وی رضا دے بیان تے غور کرن دا آکھ دتا ہے۔رضا آکھیا سی پئی ایگزیکٹو تے عدلیہ دے مقابلے وچ پارلیمنٹ اک کمزور ادارہ ہے اتے پہلاں مارشلا لگدے سن تے ہن نواں طریقہ کڈھ لتا گیا ہے۔ انہاں دا اشارہ نواز نوں اقامے اوتے کڈہن والے متنازعہ فیصلے ول سی۔ جج خلیل الرحمن دا آکھنا سی پئی پنج ججاں دے فیصلے نیں بہوں سوال چک دتے نیں۔جے اقامے دا ذکر نہ کرنا غلط سی تے الیکشن کمیشن کی کر رہیا سی جداں اوس نے نامزدگی دے کاغذات منظور کیتے سن؟ایہہ گل اج وی بحث منگدی ہے کہ کیہہ ساری عمر لئی نااہلی ہو سکدی ہے۔جے ایس فیصلے نوں سامنے رکھیا جائے تے اگلی چوناں وچ ہر مخالف دوجے تے62تے63 لاون دا آکھے گا کہ نویں چوناں نہیں ہو سکن گیاں۔جداں میں الیکشن کمیشن دا ممبر ساں تے ریٹرنگ افسراں پچھیا سی کہ کیہہ اساں امیدواراں کولوں دعائے قنود تے دوجا کلمہ نہ سنیا کرے تانجے ایہہ پتہ چل سکے کہ امیدوار 62تے63 تے پورے اتردے نیں۔ انہاں آکھیا پئی 62تے63 نوں 63ایچ نال رکھ کے پڑھو تے صادق تے امین اوہ نہیں جس نوں کسے غیر اخلاقی کم وچ عدالت سزا دے چکی ہوئے ، اوس نوں دو سال توں ودھ سزا دا حکم سنایا ہوئے یا اوس نوں رہا ہوئے پنج سال نہ ہوئے ہون۔ الیکشن کمیشن نوں مسلم لیگ(ن) دی صدارت لئی نویں بندے دے حوالے نال حکمنامہ جاری کرن توں پہلاں غور کرنا چاہیدا سی۔ کل رات جیو دے پروگرام آپس دی بات وچ صحافی عاصمہ شیرازی آکھیا کہ جداں عدالت مشرف بارے فیصلے کرے گی اتے اوس دی رقماں بارے جے آئی ٹی بنائے گی تاں عدالت دا پتہ چلے گا۔عدالت تے بھٹو دے عدالتی قتل نوں ریوو نہیں کیتا اتے ہن کنج کرے گی؟ ایس صورتحال وچ رضا ربانی دی گل منن وچ ہی سب دا بھلا ہے۔بلاول بھٹو ہوراں رضا ربانی دی تجویز نوں ذاتی بیان آکھ کے کس نوں خش کیتا ہے ایہہ اوہ ہی جاندے نیں پر سول سوسائٹی رضا دے بیان نوں پسند کردی ہے کیونجے اداریاں وچ ٹاکرا ودھ رہیا ہے اتے جولائی دے فیصلے بعدوں ایس وچ اصافہ ہی ہویا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels