Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> جمہوری قافلے دا تریجا راؤنڈ: نویں بیانیے دی مہم تگڑی ہوگئی

جمہوری قافلے دا تریجا راؤنڈ: نویں بیانیے دی مہم تگڑی ہوگئی

وچار ڈیسک
August 12th, 2017

وزیر دفاع خرم دستگیر سارے دھونے دھو دتے۔انجیت سنگھ دے شہر نے اک وار فیر وڈا کم پایا ہے۔عوامی لیڈر اتے ترے وار وزیراعظم بنن والے میاں نواز شریف تریجے راؤنڈ نوں پورا کرچکے نیں۔ جوں جوں جمہوری قافلہ اگے ودھ رہیا ہے سٹیبلشمنٹ اتے ہرکاریاں دی پریشانیاں زیادہ ہورہیاں نیں۔ اسلام آباد، پنڈی ،جہلم،گجرات تے گوجرانوالہ وچ نواز شریف ہوراں جیہڑیاں تقریراں کیتیاں نیں اوہناں پاروں نویں بنانیے دی مہم بہوں تگڑی ہوچکی ہے۔ پاکستان وچ اک نویں تریخ بن رہی ہے کہ کسی وزیراعظم دا کڈ ہے جان بعدوں ایہہ اک وڈا پیغام ہے ۔ایس مہم پاروں نواز شریف جس نویں بیانیے تے نویں سوشل معاہدے دی گل چکی ہے اوہ پاکستان دی 70 ویں سالگرہ تے اک وڈا تحفہ ہے جس دی اڈیک بہوں عرصہ توں سی۔ میڈیا تے ہرکاریاں دی پریشانیاں وادھو کہ کدی اوہ نواز شہباز دی لڑائیاں دی گلاں کردے نیں کدی بندے گھٹ ہون بارے اٹھ و اٹھ ماردے نیں تے کدی اوہ ایہہ آکھدے نیں پئی ایہہ مہم فوج تے عدلیہ مخالف ہے۔ اوہ نویں بنانیے دی گل تاں مارے نہیں کرنا چاہندے کیونجے اینج سٹیبلشمنٹ ہور زیادہ پریشان ہوجائے گی۔ نواز شریف جو گل کررہے نیں اوہ پیپلز پارٹی سنے بہوں سارے داانشور کردے رہے نیں کہ کل سینیٹ نے وی ایہو گلاں کیتیاں نیں۔ ہن لہور تیک اپڑن تیک نویں بیانیے دی مہم سب توں زیادہ اہمیتاں حاصل کرچکی ہوئے گی۔ ریاست پاکستان جیہڑی جنگ پہاڑاں وچ لڑرہی ہے اوس نوں نواز شریف میداناں وچ لیڈ کرن دا جیہڑا اعلان کیتا ہے اوس تے بنیاد پرست تے تنگ نظر سٹیبلشمنٹ دی پریشانیاں ودھ گیاں نیں۔ نواز شریف تے آکھ دتا ہے پئی جے سپریم کورٹ فیصلے تے ریوو وی کرلے گی تے میں وزیراعظم نہیں بناں گاں تے ساری توجہ نویں بیانیے نوں اسارن تے لاواں گا۔ اوس صاف آکھیا ہے پئی ایہہ وزیرعظم دی بحالی دی مہم نہیں سگوں نویں بیانیے دی مہم ہے جس وچ سچائی تے مفاہمتی کمیشن اتے نویں سوشل معاہدے دی گل اگے ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels