Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> دوجا راونڈ:مولوی کینیڈا توں آگیا جس تاج برطانیہ دا حلف چکیا ہے ۔عوامی وزیراعظم نواز شریف

دوجا راونڈ:مولوی کینیڈا توں آگیا جس تاج برطانیہ دا حلف چکیا ہے ۔عوامی وزیراعظم نواز شریف

وچار ڈیسک
August 11th, 2017

عوامی وزیر اعظم میاں محمد نواز شریف دا کہنا ہے کہ اک منٹ وچ پنج ججاں فارغ کردتا۔کیہہ ایہہ کڑوڑاں عوام دے ووٹاں دی توہین ہے یا نہیں۔ سابق وزیراعظم نواز شریف دا قافلہ جہلم پہنچ گیا جتھے استقبال لئی آئے ہوئے عوام نال خطاب کردے ہوئے انہاں نے مزید آکھیا کہ کڑوڑاں عوام وزیراعظم نوں منتخب کردے نیں تے 70سال وچ اک نوں وی مدت پوری نہیں کرن دتی۔ایہہ توہین تہانوں برداشت ہے؟ پنج معزز جج اک جنبش قلم توں تہاڈے وزیراعظم نوں چلدا کردیندے نیں۔آپ معززججاں نے وی آکھیا کہ میں کوئی کرپشن نہیں کیتی کوئی کرپشن دا دھبہ نہیں۔ نواز شریف نے عوام نوں آکھیا کہ تہانوں وی پچھنا چاہیدا ہے کہ میں کرپشن نہیں کیتی تے فیر کیوں کڈھیا گیا؟ میرے ہتھ تے دل پاکستان دی محبت وچ ڈوبے نیں۔ کدی وی خیانت نہیں کیتی تے فیر کیوں کڈھیا مینوں؟ میں پچھنا چاہندا ہاں مینوں کیوں کڈھیا جداں کہ میں ملک دی امانت وچ کدی وی خیانت نہیں کیتی۔ انہاں نے آکھیا کہ 2013 وچ مزدوربے روز گار سن، لوگ پریشان سن، سی ین جی اسٹیشنز تے قطاراں لگیاں ہوندیاں سن، عوام نال وعدہ کیتا سی جان لڑا دیاں گے ،ملک دے اندھیریاں نوں ختم کراں گا۔دن رات اک کرکے بجلی دے کارخانے لائے، ایس وقت لوڈشیڈنگ نہ ہون دے برابر ہے۔ اگلے سال لوڈشیڈنگ نوں ہمش لئی خدا حافظ کہہ دتا جائے گا۔ نواز شریف نے سوال کیتا کہ پاکستان وچ امن آیا یا نہیں آیا؟ لاکاں جواب دتا آیا ہے۔فیر پچھیا بلوچستان دے اندر امن قائم ہویا، کراچی دا حال کیڈا خراب سی، اسی حالاتاں نوں ٹھیک کیتا۔ کراچی دے حالات کینے خراب سن؟ اج کراچی دی روشنیاں واپس آئیاں، بلوچستان خدا نخواستہ ڈب رہیا سی، کراچی برباد ہورہیا سی ۔پر ہن کراچی توں خیبر تک موٹر ویز بن رہی ہے۔ انہاں نے مزید آکھیا کہ خدا جاندا ہے مینوں اپنی فکر نہیں، نوجواناں دی فکر ہے۔ 70 سال توں قوم دا استحصال ہورہیا ہے ۔کڈے افسوس دی گل اج تک کوئی وزیراعظم اپنی مدت پوری نہیں کرسکیا ۔کوئی مینوں سمجھائے مینوں کیوں کڈھیا گیا ۔فکر ہے کہ نوجواناں دا مستقبل کتھے تاریک نہ ہوجائے۔ انہاں نے آکھیا کہ تُسی ووٹ دے کے وزیراعظم بناندے نیں۔ کوئی ڈکٹیٹر آکے تہاڈے ووٹاں دی پرچی پھاڑ کے ہتھ وچ دے دیندا ہے۔ تہاڈے ووٹ دی توہین تہانوں برداشت ہے؟ مینوں اقتدار دی پروا نہیں۔ میں اسلام آباد توں لہور اپنے گھر جارہیا ہاں۔ تُسی مینوں اسلام آباد گھلیا تے اسلام آباد والیاں نے مینوں گھر گھلیا ہے ۔مینوں کرپشن دی وجہ توں نہیں کڈھیا گیا کہ میں اپنے پُتر دی کمپنی توں تنخواہ کیوں نہ لتی۔ ایہہ وزیراعظم دی نہیں پاکستان دے عوام دی توہین ہے، کیہ کوئی اپنے پُتر توں وی تنخواہ لیندا ہے جے پُتر توں تنخواہ نہیں لتی تے تہانوں کیہ ہے؟ تہانوں مینوں کڈھن دی کوئی وجہ سمجھ آندی ہے۔
پاکستان اوتے آرہیا سی۔ پر گلادبا دتا گیا۔ نواز شریف نے ڈاکٹر طاہر القادری تے تنقید کردے ہوئے مزید آکھیا کہ دھرنے والے میدان وچ آگئے تے مولوی کینیڈا توں آگیا۔ مولوی صاحب نوں ہر تِن مہینے بعد پاکستان دا درد جاگدا ہے۔ مولوی صاحب نے تاج برطانیہ دا حلف چکیا ہویا ہے ۔پاسپورٹ وی اوتھوں دا ہے۔ پاکستان وچ ڈکٹیٹر دس دس سال حکومت کردے نیں اتے جداں مقدمے بنے تے کمر وچ درد دا بہانہ بنا کے دور جاندے نیں۔ آئین نوں توڑدے نیں۔ ایس ملک وچ کوئی عدالت ہے جیہڑی ڈکٹیٹر نوں سزا دے۔ ایہہ پاکستان کدی سجے جاندا ہے تے کدی کھبے جاندا ہے۔ ایس طراں ملک نہیں چلدا۔ اج سانوں پاکستان دے مستقبل دے متعلق سوچنا ہے، 20 کڑوڑ عوام دی توہین نوں برداشت نہیں کراں گے۔ نواز شریف نے حاضرین جلسہ نال سوال کیتا کہ جہل میرے نال چلے گا؟ جس تے جلسہ حاضرین نے نعرے لا کے نواز شریف دے سوال دا جواب دتا۔ نواز شریف دے خطاب دے بعد وفاقی وزیر خواجہ سعد رفیق نے اسٹیج تے آکے اعلان کیتا کہ قافلہ کل صبح 10 وجے جہلم پُل توں روانہ ہوئے گا۔ ایس توں پہلے سوہا وا تے دینہ وچ وی نواز شریف نے ریلی دے شرکا نال دھواں دار خطاب کردے ہوئے آکھیا کہ معزز ججاں نے گھر گھل دتا ہے۔میں اپنی نہیں عوام دی نااہلی دا مقدمہ لے کے نکلیا ہاں ایہہ منتخب وزیراعظم دی نہیں 20 کڑوڑ عوام کیتی توہین ہے، 70 سال توں پوری قوم دی توہین کیتی جاندی رہی ہے۔ ایس کھیل نوں ہمش لئی ختم کرنا ہو سی۔اگلا راونڈ شروع ہے تے رپورٹ وی آ رہی جے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels