Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> لہور ریلی:عوامی طاقت دا گھما اتے سٹیبلشمنٹ دی پریشانیاں۔اج فیصلہ آ رہیا جے

لہور ریلی:عوامی طاقت دا گھما اتے سٹیبلشمنٹ دی پریشانیاں۔اج فیصلہ آ رہیا جے

وچار ڈیسک
August 9th, 2017

بھٹو لہور آکے سٹیبلشمنٹ نوں ٹکریا سی اتے بے نظیر بھٹو وی لہور اتر کے ضیا شاہی دا کھڑچ کنڈل بنایا سی اتے ہن نواز شریف اج لہور لئی روانہ ہو رہے نیں۔ساڈی سٹیبلشمنٹ پاپولر لیڈراں خلاف مورچے لاون وچ بڑی ہشیار ہے پر کیہہ قادری ورگے ڈکیاں نال ایس نوں روکیا جا سکدا ہے؟ سٹیبلشمنٹ وچ اک دھڑا پرانا گھما چلانا چاہندا ہے جس دا وڈا ثبوت جے آئی ٹی وچ نظر آگیا سی۔ہن ایہہ لڑائی ایس توں اگے ودھ چکی ہے۔شیخ رشید، قادری تے عمران مڑ رل گئے نیں کہ پرانے ایجنڈے سب دے سامنے نیں۔جیہڑے نواز شریف دا بیہہ مکانا چاہندے سن مسئلہ انہاں دا ہے یا فیر انہاں دا جیہڑے ملائی کھان دا سوچ رہے نیں۔تاں مارے ایس ریلی توں اوہ سب ڈر رہے نیں کہ جے لوکاں دا ہڑ آئے گا تے اوس ایجنڈے دا کیہہ بنے گا؟ سب نوں یاد ہے پئی ضیا الحق تے اوس دی سٹیبلشمنٹ چھ سال پی پی پی دا بیہہ مکان لئی لگی رہی سی پر 10اپریل1986دے دن عوام نے لہور دی سڑکاں تے اپنا فیصلہ سنا دتا سی۔جنج ججاں دے فیصلیاں دا احترام کرنا لوڑی دا ہے اینج ہی عوامی فیصلیاں دا احترام وی لوڑی دا ہے اتے اخیری فیصلہ عوام نے ہی کرنا ہوندا ہے۔ایہہ فیصلہ اج آرہیا ہے پر ہن سیاستداناں نوں اپنے پتے اک دوجے نوں شو کروا کے کھیڈنا ہوئے گا۔ہن چارٹر آف ڈیموکریسی نوں پارلیمنٹ توں منظور کروانا ہو سی کہ سولین حاکمیتاں دی لڑائی اک نویں موڑ تیک اپڑ چکی ہے۔سولین حاکمیتاں دی لڑائی اداریاں نوں غیر متنازعہ بناون لئی لوڑی دی ہے کہ ہر تگڑے ملک وچ ایہو دستور ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels